Galatedjé 3:22 - Mbede Lə Luba Kone Gə Sigi

²² Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Testament ke Siki 1960 (Kabba Laka)

²² A maketourou lo Allah to né toï kò né ke madjang té, ta kare né ke Allah to deo ko mè té mè Jésus Christ té, nè nase ta kare dèdè ke do mèdè té.

Galatedjé 3:22 ပူးပေါင်းရင်းမြစ်များ

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Jean 12:46

ꞌMa gə m-to gə lokarə le, m-ɗe dɔ nangə gə nee mba kar na-na gə ta kagə-m nama isi dan cil ciməri gə ang.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Koula 16:31

Pɔl je gə Silas d-ila kəne na: ꞌTa kagə Mbayɓe Jeju nama a kaji, ꞌi gə njeməkəyje lə-i.

Romaindjé 10:9

To gə ɓo ꞌpa gə ta-i ja to gə Jeju to Mbayɓe, ngaɓa ꞌta kagə mə-i gə to gə Luba ndol-e horo nje gə d-uy nama, a kinga kaji.

Romaindjé 11:32

Mba Luba ja ḭya̰ ɗəw ar dəwje tɔ̰y d-ila kuji ang ɓa gə mba ɗa ne məmay gə je tɔ̰y.

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

Romaindjé 3:23

Mba dəwje tɔ̰y ja ꞌɗa neɗa gə kṵra̰y ngaɓa ꞌlal ne rɔnduba lə Luba,

Romaindjé 5:12

Gəl-e gə nee ɓa, ɗəw kara baa to gə neɗa gə kṵra̰y andə dɔ nangə nee ɗəw gə lə dəw kara baa, ngaɓa ar neɗa gə kṵra̰y ɗe gə yo, ɗaa to gə be ja tɔ ɓa yo o̰ ne ɓe dɔ dəwje gə tɔ̰y, mba dəwje tɔ̰y ja ꞌɗa neɗa gə kṵra̰y,

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Galatedjé 3:17

Tar gə m-njigi pa ɓa to nee: Luba uwa dɔ gɔl ndu kun ar Abəraham gə maj-ɛ nəm ngaɓa gə dɔ gɔl-ɛ nəm tɔ, asə ɓal tɔl-tɔl sɔɔ gə dɔg munda nam ɓa torondu ɗe ɓi le ja, torondu nee le a tɔji ndu kun gə Luba uwa dɔ gɔl-ɛ wa?

Galatedjé 3:23

Kede nam ɓa kar takagə ɗe le, torondu uwa-si ɓərə mba takagə gə d-a kila dɔ-ɛ gə ɗaga le.

Galatedjé 3:29

Cibi, sisəy tɔ̰y ꞌtoje kar Kirisi, ɗaa ꞌtoje gəl kuji Abəraham, nendubaje gə ɗəw ndu kun gə Luba uwa dɔ gɔl-ɛ.

2 Timoce 1:1

Pɔl, njeka̰ykula lə Kirisi Jeju, gə go mə njigi lə Luba, mba kila ne mbərə təbə gə ye ja uwa dɔ gɔl-ɛ ɗəw gə lə Kirisi Jeju;

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 3:13

Ngaa, ja nginaje gə go ne gə n-uwa dɔ gɔl-ɛ, dara gə sigi je gə nangə gə sigi gə neɗa gə gadə-gadə a ko̰ ɓe kəne.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.