Galatedjé 3:2 - Mbede Lə Luba Kone Gə Sigi

² Oje, m-a dəji tar kara baa ja mba ko: Se go ɗəw ɗa torondu ɓa ingaje ne Njil ose gə go ko tar takagə wa?

Testament ke Siki 1960 (Kabba Laka)

² Aremdjé ndoudjousè tar nèn kadaba, sésè ingaidjé Ndil deo da koula té lo tar ndedji, aséh deo tar ko mè té wa?

Galatedjé 3:2 ပူးပေါင်းရင်းမြစ်များ

Koula 15:8

Ngaɓa Luba gə to nje gərə mə dəwje le, tɔji gə ɗaga, ar-je Njil Njerɔsangə to to gə ar-sije tɔ.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 8:15

ꞌJeeje nee le, d-aw ɓə lə-je, ꞌdəji Luba mba je kar d-inga ne Njil Njerɔsangə.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

1 Corinthiendjé 9:21

ɓə lə nje gə d-aw baa lal torondu nama, m-ɗa to gə m-aw baa lal torondu be, be ja kara ꞌma le m-aw lal torondu lə Luba ang, ngaa m-isi gəl torondu gə lə Kirisi, mba kinga ne nje gə d-aw lal torondu.

2 Corinthiendjé 11:4

Mba to gə ɓo dɔngɔr dəw ɗe ila mbərə lə Jeju gə to dang gə ye gə sijee j-ila mbər-e j-ar-sisəy, ose to gə ɓo ꞌtaje njil gə to dang gə ye gə ingaje kede, ose oje Tar gə May gə ɗangə oreje ne dɔ ꞌye gə oje kede nama nj-ɛ nee le ilaje kud-e gə ya̰ ja.

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Galatedjé 3:3

ꞌToje ɛbɛje bənəng to gə ban ɓa nee wa? Umaje kudu nja gə maj-ɛ ɗəw Njil gə cibi ngaa, a kaw tɔlje t-ɛ ɗəw darɔ gə wa?

Galatedjé 3:5

Luba ar-si Njil, ngaɓa ɗa nemisi horo-si gə mba kuji gə ilaje dɔ torondu ose gə mba ꞌtaje kagə Tar gə May wa?

Ebərəje 2:4

Luba ore kudu tar naji lə-je gə netɔjije, gə nemisije ngaɓa neje dang-dang gə kəm dəw o ndɔ kara ang, gə gusu-eje gə n-ar-je ɗəw gə lə Njil Njerɔsangə to gə m-e njigi.

Ebərəje 4:2

Mba d-ila mbərə Tar gə May d-ar-sijee nəm, d-ila d-ar ꞌjejee nəm. Ngaa tar gə d-o-je le, kara kara ɗa kula rɔ-je ang, mba ꞌɗa mə kara gə nje gə d-o le dɔ takagə gə ang.

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.