Galatedjé 2:9 - Mbede Lə Luba Kone Gə Sigi

⁹ Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Testament ke Siki 1960 (Kabba Laka)

⁹ Ke tokou dèdè ngeré tòkou mè madji ke Allah arem, Jacques ke Céphas ke Jean, ke dooudjé wodè to gòl kei, darem ke Barnabas dji koumana ta kare djèdjè djao rò Gentildjé té, ke dèdè dao rò ndjè té ke oudja ta motedè.

Galatedjé 2:9 ပူးပေါင်းရင်းမြစ်များ

Matiye 16:18

Be ɓa ꞌma ja m-pa m-ar-i to gə ꞌi ꞌto Piyɛr, dɔ ər gə m-a kunda gəl Mbo̰ naa lə njetakagəje lə-m kəne, singamongə lə nje gə jabaw a kasə ɗa sə-a ne kara ang.

Lugu 22:8

Jeju ula Piyɛr gə Ja̰ ɗaa, pa ar-je na: Awje, aw ꞌgɔlje Pagə ar-je-si j-usaje.

Jean 1:42

Be ɓa n-ɔr no-ɛ n-aw sə-a ɓe lə Jeju. Logə Jeju a-e jii ɗaa pa na: ꞌI to Simo, ngon lə Ja̰: D-a ɓar-i Sepas, kɔr m-e na: Kɔr ər.

Koula 12:17

Be ɓa Piyɛr ɗa ji-a ar-je kar d-isi ta-je munduru ngaɓa təl ɔr gəl ɗəw gə Mbayɓe ɔr-ɛ ne kəy kula ar-je d-o cibi ngaɓa təl pa ar-je na: Aw paje ar-je Jagə gə ngan ko-mje. Go-e gə ɗaa Piyɛr ce aw lo gə ɗangə gə.

Koula 15:13

Logə d-əw rɔ-je ɗaa Jagə un tar pa na: Ngan ko̰-mje, uruje mbi-si gə dɔ-m gə nee.

Koula 15:7

Logə ꞌma̰y naa tar-ɛ asə mbagə ɗaa Piyɛr uba nangə ḭ taar un tar pa na: Ngan ko̰-mje, ꞌgərəje to gə un kud-e dɔngɔr ndɔje ja baa, Luba mbərə-m horo-si gə, mba kar dəwje gə ꞌgərə Luba ang d-o tar gə ɔji dɔ Tar gə May ta-m gə ɓo ꞌta ne kagə.

Koula 4:36

Jəjəb gə njeka̰ykulaje d-unda ri-a na Barənabas gə kɔr m-e na dəw gə njekula jingaw mə dəwje gə, n-to gə gəl kuji Lebi gə, ɓe lə-a Sipərə,

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

Romaindjé 15:15

Be ja kara m-ɗa mbede m-pa ne gə si mə loje gə kɛm gə ndum gə mongə ɓəəl, ɗəw kara baa to gə m-ole ne mə-si, mba nuji gə Luba uwa sə-m,

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

2 Corinthiendjé 11:5

Mba m-o to gə nje gə d-o rɔ-je gə njeka̰ykulaje gə to ɓəəl ya̰ kən le, ne gə ꞌnday-m ne ꞌma kara ja godo.

2 Corinthiendjé 12:11

M-pa tar to gə dəw gə təl mbə be, sisəy ja ɓa ɔsə-mje ila-mje kəne. Mba sisəy le ja ɓa a paje tar taje ne dɔ-m ang wa? M-to ne ang tɔgərɔ ja, ngaa ne kara ja gə njeka̰ykulaje gə d-o rɔ-je gə dəwje gə to ɓəəl ya̰ nee le nday-m ne godo.

2 Corinthiendjé 8:4

ꞌDəjije-si ɗəw ngɔɔgɔ-ngɔɔgɔ mba kar j-ḭya̰ ɗəw j-ar-je ꞌmbo̰ ne ne mənuji ꞌla ne gə njerɔsangəje gə Jerujalɛm.

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Galatedjé 1:18

Ɗa ɓal munda go-e gə ɓa, m-aw mə ɓe gə Jerujalɛm mba kinga Piyɛr, ngaɓa m-ɗa ndɔ dɔg gə gir-e gə mi ɓə lə-a.

Galatedjé 2:1

Ɓal dɔg gə gir-e gə sɔɔ go-e gə ɗaa, m-ar-je gə Barənabas j-aw mə ɓe gə Jerujalɛm to gə ɗangə, m-uwa Titə kara ji-m gə tɔ.

Galatedjé 2:2

M-aw m-ila ne kɔji dɔ ne gə Luba kila gəl-e ar-m kar m-aw m-ɔr gəl mbərə Tar gə May gə m-ila m-ar dəwje gə to gə Jiibije ang m-ar-je d-o; m-uwa dɔ naa gə bubaje gə lo-e ɓədə, mba kar kula gə m-ɗa le unda nangə baa ang.

Galatedjé 6:3

Be ɓa to gə ɓo dəw gə o rɔ-ɛ gə dəw gə to ɓəəl ya̰, ngaa to ne ang nama, ərə rɔ-ɛ ye ja baa.

Ephésiendjé 2:20

ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Colossiendjé 1:29

Mba ye gə nee ɓa m-ɗa ne kula, m-ɗɔ ne gə singa-a gə ɗa kula rɔ-m gə gə mong-e.

1 Timoce 3:15

Ngaa to gə ɓo, kuru-m əw njɛ̰ nama, ꞌi ja a gərə ɗəw gə a ngom nee rɔ-i mə kəy gə lə Luba, gə to Mbo̰ naa lə njetakagəje lə Luba gə Nje kisi kəm baa, ꞌNe gə to nje kɔsə kudu tar gə tɔgərɔ nəm ngaɓa nje ta dɔ tar gə tɔgərɔ nəm tɔ.

1 Jean 1:3

Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.