Galatedjé 2:4 - Mbede Lə Luba Kone Gə Sigi

⁴ Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Testament ke Siki 1960 (Kabba Laka)

⁴ A mbata mare ngaködjèdjè ke ndjè ngemdjé ndé mè té hoi, dèdè ndé horodjè té tokou ndjè bädjé, ta geré ndja do to lél pè lodjè mè Christ Jésus té, baa ta tòdjé to bere.

Galatedjé 2:4 ပူးပေါင်းရင်းမြစ်များ

Lugu 5:38

Ngaa ɓo munduru kodo nama may kiya mə jo kodo gə sigi gə ja tɔ ɓa d-a kuwa naa gə maj-ɛ.

Koula 15:1

Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang.

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

Koula 20:30

ngaɓa horo-sisəy gə ja kara dəwje gə kɛm d-a kuba nangə kḭ pa tarje gə ngabula mba kɔr ne ngan njenendoje kum neje go-je gə.

Romaindjé 8:15

Ngaɓa sisəy le ingaje njil gə uwa-si gə ɓərə ɓa a ɓəəlje gə ɓəəl ja jaga-jaga ang, ngaa ingaje Njil gə təl-si gə ngan lə Luba, gə ɗəw gə lə-a ɓa j-uru ne ꞌkuwi na: Aba! Bɔy!

2 Corinthiendjé 11:13

Dəwje gə nee le, ꞌto njeka̰ykulaje gə gə mbɔr-ɛ baa, njekulaje gə gə nje kəsə tarje, ꞌlom rɔ-je gə njeka̰ykulaje lə Kirisi.

2 Corinthiendjé 11:17

Tar gə m-pa nee le m-pa gə ndu Mbayɓe ang, ngaa m-pa to to gə dəw gə dɔ-ɛ godo be, gə ɓəəl ang mba kinga ne ɗəw kɔsə ne rɔ-m ja baa.

2 Corinthiendjé 11:20

Mba ilaje gəl nje gə d-uwa si ɓərə gə, d-ula mbə dɔ-si gə, ꞌtuwa nemayje lə-si, d-o si gə ne ang, ꞌkunda kambɔr-si bangang-bangang!

2 Corinthiendjé 11:26

Ɗəw kaw mbaje gə le taar-taar ja m-ce ta yo gə dɔ baaje gə, m-ce ta nje ɓogo singaje gə, m-ce ta njebaɓeje lə-m gə ꞌsangə mba tɔl-m, dəwje gə ꞌgərə Luba ang kara m-ce ta-je gə nəm, d-aw sə-m ndama-ndama mə ɓeboje gə, m-ce ta yo gə mə ndag lo gə, gə mə babo gə, nay njɛ̰ baa kar-m m-inga yo horo ngan ko̰-mje gə gə mbɔr-ɛ baa,

2 Corinthiendjé 3:17

Mbayɓe to Njil, lo gə Njil lə Mbayɓe to kəne to lo gə dɔ to doy to kəne tɔ.

Galatedjé 1:7

M-pa ɔji ne dɔ Tar gə May gə ɗangə ang ngaa m-pa ɔji dɔ dəwje gə ꞌɗe ꞌjɔgə-si ngaɓa njigi turu dɔ Tar gə May lə Kirisi le gə nangə.

Galatedjé 4:25

Agar le tɔji dɔ ər gə Sinayi le to dɔ nangə gə Arabi ɗaa, ꞌne n-asə naa gə ɓe gə Jerujalɛm gə ɓisine, mba n-to ɓərə gə ngan-ɛje naa gə kara baa.

Galatedjé 4:3

Sijee kara, logə j-a nay nganje ɓi le, j-a to ɓərəje lə njilje gə o̰ dɔ nangə nee.

Galatedjé 5:1

Kirisi ɔr kula ɓərə lə torondu gɔbə-si gə mba kar dɔ-si to doy. Be ɗaa, ar-je dɔ gɔl si gə jang, ɓo ꞌtəlje ulaje gɔbə-si jugu ɓərə gə gugu ang.

Galatedjé 5:10

ꞌMa ɗaa, m-unda mə-m dɔ-si gə go ɗəw lə Mbayɓe, to gə kəji lə-si to dang gə kar ꞌma ang. Ngaa ye gə nje tuji kəji lə-si le, to gə na-na ja kara, tar-ɛ a kuwa dɔ-ɛ.

2 Timoce 3:6

Dəwje gə kɛm horo-je gə d-aw gə ta kəy kəy d-aw d-ərə jeneje gə takagə lə-je ngang ang, gə mal neɗaje gə kṵra̰y dang-dang to mə-je gə;

Jacques 1:25

Ngaa torondu gə may pɛdə, torondu gə ka dɔ to doy le, dəw gə ore kəm-e kəne ndəng ar ne dɔ gɔl-ɛ gə njang, o ngaɓa m-e uy dɔ-ɛ gə ang, ngaa ɗa nee kula gə mong-e nama, nj-ɛ nee le a to njenokarə dɔ kula ɗ-ɛ gə.

1 Piyɛr 2:16

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

2 Piyɛr 2:19

ꞌJejee nee ja kara kəji neɗa gə kṵra̰y uwa-je ɓərə gə, mba na-na ja kara to ɓərə lə ne gə o̰ ɓe dɔ-ɛ gə, ngaa ꞌpa d-ar nje gə əng, na d-a kar-je d-inga dɔ to dɔy.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.

Jude 1:4

Be ɓa, dəwje gə kɛm d-andə horo-si gə go ngə̰y baa, ꞌto dəwje gə ꞌpa tar gangə tar gə uwa dɔ-je ləw baa mə mbede gə. Dəwje gə kṵra̰y gə mbəl mənuji lə Luba lə-si ꞌta ne toro kaya, ngaɓa ꞌmbadə ꞌɓəə-sijee gə kara baa gə Mbayɓe Jeju Kirisi.