Galatedjé 2:20 - Mbede Lə Luba Kone Gə Sigi

²⁰ m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Testament ke Siki 1960 (Kabba Laka)

²⁰ Ma moei mbä ke Christ do kake dèse té, to to ma ke misi ke tébe ang, a to Christ ke éh mem té, tébe ke méh né loshénè da rom té, ma méh né deo ko mè té ke Ngon lo Allah, nè ke ndikim ke noun rè ndja nare yo mbata lom.

Galatedjé 2:20 ပူးပေါင်းရင်းမြစ်များ

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Jean 1:49

Nataniyɛl təl pa na: Njenetɔji, ꞌI le ɓa ꞌto gə ngon lə Luba, ꞌI le ɓa ꞌto gə mbay gə Ijirayɛl.

Jean 10:11

ꞌMa m-to gə njenekuul gə may; njenekuul gə may ḭya̰ rɔ-ɛ ar yo mba badəmje lə-a.

Jean 15:13

Njigi gə to ɓəəl ya̰ unda ye gə kar dəw ila təbə lə-a kɔrɔ mba njekuraje lə-a le godo

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:35

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.

Jean 6:57

Cibi, to gə Bɔ dəwje gə isi kəm baa ula-m, ngaɓa to gə ꞌma, m-isi kəm baa ɗəw gə lə Bɔ dəwje le, to gə be ja tɔ, dəw gə usa darɔ-m nama isi kəm baa ɗəw gə lə-m ꞌma tɔ.

Jean 6:69

Sijee le, j-a ta kagə ngaɓa j-a gərə to gə ꞌI ja ꞌto Kirisi, Njerɔsangə lə Luba.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Romaindjé 14:7

Mba dəw kara ja horo-sijee gə aw kəm baa mba darɔ-ɛ ye ja godo, ngaɓa dəw gə uy mba darɔ-ɛ ye ja le godo tɔ.

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

Romaindjé 4:25

d-un-e d-uga ne dɔ kal tarje lə-si, ngaɓa n-uy ɓa ꞌndol-e mba kar j-a to ne dəwje gə gadə-gadə.

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

Romaindjé 5:8

Ngaa, ɗəb-e gə nee ɓa Luba tɔji ne njigi gə n-njigi sijee, logə j-a to njeneɗaje gə kṵra̰y baa ɓi ja, Kirisi uy mba-si.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:8

Ngaa to gə ɓo j-uy gə Kirisi nama j-a ta kagə to gə j-a kisi sə-a kəm baa tɔ,

Romaindjé 8:10

Ngaa to gə ɓo Kirisi ga̰ mə-si gə nama darɔ le uy ɗəw neɗa gə kṵra̰y gə tɔgərɔ ja, ngaa njil to gə təbə ɗəw to gadə-gadə gə.

Romaindjé 8:37

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

1 Corinthiendjé 6:17

Ngaa dəw gə um naa gə gə Mbayɓe nama njil-e kara um sə-a naa gə kara baa tɔ.

2 Corinthiendjé 1:24

To kisi ɓa j-isi gina-si gə ɔji dɔ takagə lə-si ang, ngaa sijee ja njigi kore gə sisəy naa gə dɔ rɔləl gə lə-si mba uwaje takagə lə-si gədərə.

2 Corinthiendjé 10:3

Tɔgərɔ, ja to dəwje gə ꞌnja ɗəw gə ja ngaa ja ɗɔ ɗəw darɔ gə ang baa.

2 Corinthiendjé 11:10

Gə go ɗəw gə lə tar gə tɔgərɔ lə Kirisi gə to mə-m gə le ɗaa, m-pa gə ndu gə boy wəəl to gə mə dəbə ɓeko̰ gə Akayi tɔ̰y ja, dəw gə a kɔgə-m lo kɔsə rɔ lə-m nee le godo.

2 Corinthiendjé 13:3

Mba sisəy ꞌsangəje ne gə tɔji to gə Kirisi pa tar ɗəw gə lə-m ɗaa, ꞌne gə n-ɗa kula rɔ-si gə le n-mbɔrɛ ang, ngaa n-tɔji singamong-e horo-sisəy gə.

2 Corinthiendjé 13:5

May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

2 Corinthiendjé 5:14

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

2 Corinthiendjé 5:15

n-uy mba dəwje tɔ̰y, mba kar nje gə d-isi kəm baa le, d-isi kəm baa ɔji dɔ ꞌjeje ja ang saar, ngaa d-isi kəm baa mba ɔji dɔ dəw gə uy ɓa ndol mba tar lə-je.

2 Corinthiendjé 5:7

ja nja gə ɗəw gə lə takagə, ɓo j-a nja gə ɗəw ne gə kəm o ang.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 3:11

Dəw kara ja gə to dəw gə gadə-gadə gə go torondu no Luba gə le godo, ye gə nee ɗaa to arə ngadə, mba: Dəw gə gadə-gadə a kaw kəm baa ɗəw gə lə takagə.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Ephésiendjé 3:17

May kar Kirisi ɗa ɓe mə-si gə kəy kɔrɔgə ɗəw takagə gə, ngaɓa may kar njigi ula ngira-a mə-si gə pə̰y-pə̰y nəm, ar-je dan-ɛ gə dana badagə nəm tɔ.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 5:25

Jingawje, na-na kara njigi jene lə-a to gə Kirisi njigi ne mbo̰ naa lə njetakagəje ɓa, ye ja gə dɔ-ɛ, un rɔ-ɛ ar mba tar lə-a,

Philippiendjé 1:21

mba ꞌma le, Kirisi ɓa to təbə lə-m ɗaa yo to gə may lə-m.

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

1 Thessaloniciendjé 5:10

gə uy mba-si, mba kar le j-ɔsə ne kəm-si kɔrə ose j-a cibi ne kara kar j-isi ne sə-a naa gə kəm baa.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 8:3

Buba njekapolo gə ɗa-ɗa kara d-unda mba kar un nenuji gə nepolo, be ɓa may kar k-ɛ ꞌne gə n-a kun ga̰ ja tɔ ɓa.

1 Piyɛr 1:8

O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 3:20

A o, m-ar ta kəy gə, m-unda ta kəy, dəw gə o ndu-m ɓa ɔr ta kəy ɗaa, m-a kandə kəy lə-a, m-a kusa sə-a ne ngaɓa ye a kusa sə-m ne tɔ.