Galatedjé 2:2 - Mbede Lə Luba Kone Gə Sigi

² M-aw m-ila ne kɔji dɔ ne gə Luba kila gəl-e ar-m kar m-aw m-ɔr gəl mbərə Tar gə May gə m-ila m-ar dəwje gə to gə Jiibije ang m-ar-je d-o; m-uwa dɔ naa gə bubaje gə lo-e ɓədə, mba kar kula gə m-ɗa le unda nangə baa ang.

Testament ke Siki 1960 (Kabba Laka)

² Mao mbata Allah tòdjoum ban, ke ma mpa nodè té tar ke madji ke mam ntòdjou horo Gentildjé té, ma mpa hoi no dèdè té ke nto tòkou dooudjé, baa ta karem mase loou loshénè, aséh ma mase loou leo ba ang.

Galatedjé 2:2 ပူးပေါင်းရင်းမြစ်များ

Matiye 10:16

Oje: M-ula-si to gə badəmje horo njagəmanjɛrje gə. Undaje kəm karə dɔ rɔ-si gə to to gə li be, ꞌkulje yururu to to gə dər kuul be.

Koula 15:12

Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə.

Koula 15:2

Ngaa Pɔl je gə Barənabas ꞌnjigi gə je go-e ang ɗaa ꞌma̰y gə je tar ya̰ kəne. Be ɓa d-un ɗəw d-ar Pɔl je gə Barənabas, gə nje gə kɛm horo-je gə kar-je d-aw Jerujalɛm d-aw d-inga njeka̰ykulaje gə ngatɔgəje ɔji dɔ tar gə nee le.

Koula 15:4

Logə ꞌce Jerujalɛm ɗaa Mbo̰ naa lə njetakagəje, gə njeka̰ykulaje ngaɓa ngatɔgəje nəm d-uwa-je mba. Cibi d-ɔr-je gəl ne tɔ̰y gə Luba ɗa gə je d-ar d-o tɔ.

Koula 18:9

Mə cil gə ɗaa, Mbayɓe pa tar ar Pɔl mə ne gə o lokiya gə na: ꞌƁəəl ang ɓo ꞌpa tar ngaɓa isi ta-i munduru ang.

Koula 23:11

Mə cil gə njekore go-e gə ɗaa, Mbayɓe ce dɔ Pɔl gə, pa na: Uwa jingaw mə-i gə, mba ɗəw kara baa to gə ꞌɗa ne tar naji lə-m Jerujalɛm le, a ɗa to to gə be ja tɔ a mə ɓe gə Rɔm gə.

Koula 5:34

Ngaa Parijiyɛ̰ kara ri-a na Gamaliyɛl, gə to baw negərə gə ɔji dɔ torondu ngaɓa dəw mə ɓeje tɔ̰y ꞌnjigi tar lə-a ya̰, uba nangə ḭ no ngɔ gangə tar gə lə Jiibije, un ɗəw mba kar dəwje nee le ꞌce ɗaga ɓəəl ɓa ꞌtəl ɓi.

Romaindjé 9:16

Be ɓa ɔji go mə njigi lə dəw ang nəm ɔji dɔ singa gə n-unda dɔ mar-ɛ gə ang, ngaa gə go məmay lə Luba.

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

1 Corinthiendjé 2:2

Mba tar ne gə uwa mə-m horo-si gə le to Jeju Kirisi gə ꞌɓər-e kagə dəsə gə ja kara baa ɓo ne gə ɗangə ang.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

1 Corinthiendjé 9:26

ꞌMa le ɗaa m-a̰y ngɔdə ja, ngaa m-a̰y baa gə nangə əng ang; m-ɔr ji-m nama m-unda ne m-uwa ɓo m-unda ləl baa ang.

2 Corinthiendjé 12:1

Kəm kɔsə rɔ ja wa? Tɔgərɔ ja, may lə-a godo. Ngaa m-a pa tar neje gə m-o lokiya gə gə neje gə Mbayɓe kila gəl-e ar-m.

Galatedjé 1:12

ꞌMa ja kara, dəw ɓa ar-m ang nəm ngaɓa dəw ɓa tɔji-m ang nəm tɔ, ngaa Jeju Kirisi ɓa kila gəl-e ar-m.

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Galatedjé 1:6

M-a pḭḭ, m-gərə ang, se ban cibi ɓa ꞌturuje rɔ-si pagəsa mba kḭya̰ go ye gə nje ɓar-si ɗəw mənuji gə lə Kirisi mba ta ne Tar gə May gə ɗangə wa?

Galatedjé 2:6

Nje gə d-o-je gə bubaje le, le ꞌtoje ne gə bubaje ja kara, ɔsə-m kəne ang! Mba Luba ɔr kəm dəw ang. Dəbeje nee le d-uwa-m gə singa d-ar-m ɗa ne gə ɗangə m-ila dɔ mar-ɛ gə ang.

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Galatedjé 5:7

Sisəy unje ɗəw gə maj-ɛ nam: Na ɓa ɔgə-si lo kila kuji dɔ tar gə tɔgərɔ gə wa?

Philippiendjé 2:16

uwaje ngəng ɓo ilaje mbərə tar təbə ar-jeje. Ye ɓa a to ne riɓar lə-m ndɔ təl gə lə Kirisi. Mba m-a̰y ngɔdə baa ang nəm ɓa m-jɔgə rɔ-m baa ang nəm tɔ.

Philippiendjé 2:29

Uwa-aje gə rɔ-si gə gə rɔləl lə Mbayɓe ja tɔ̰y ngaɓa dəwje gə to gə be le ilaje kuji dɔ-je gə;

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

2 Timoce 4:7

M-ɗɔ ɗɔ gə may, m-ce ɗudu ngɔdə gə lə-m, m-ngom takagə.

Ebərəje 12:1

Be ɓa sijee kara, bula bo njetar najije gugu dɔ-si, ɗaa ar-si j-a ɗisije nekodo gə neɗa gə kṵra̰y gə dəbə-si guburu le, ɗaa j-uwaje gədərə dan nena gə to no-si gə,