Galatedjé 2:19 - Mbede Lə Luba Kone Gə Sigi

¹⁹ Be ɓa, gə go torondu le, ꞌma m-uy ɗəw torondu gə gə mba kisi ne kəm baa mba Luba. ꞌƁərə-m kar kagə dəsə gə gə Kirisi,

Testament ke Siki 1960 (Kabba Laka)

¹⁹ Mbata deo tar ndedji té ma moei mè tar ndedji té mbä, baa ta karem mase kisi ke tébe mbata Allah.

Galatedjé 2:19 ပူးပေါင်းရင်းမြစ်များ

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Romaindjé 6:11

Be ɓa, sisəy ja kara, may kar oje rɔ-si to gə uyje ɗəw neɗa gə kṵra̰y gə, ɗaa isije kəm baa ɔji dɔ Luba ɗəw gə lə Kirisi Jeju.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Romaindjé 6:2

Jagə ang! Sijee gə j-uy ɗəw neɗa gə kṵra̰y gə nam le, j-a təl kisi kəm baa dan neɗa gə kṵra̰y gə to gə ban wa?

Romaindjé 7:14

Be ɓa j-a gərə to gə torondu le to ne gə ɗəw njil gə, ngaa ꞌma m-to dəw, ꞌɗabə-m d-ar neɗa gə kṵra̰y.

Romaindjé 7:4

Ngan ko̰-mje, sisəy kara ɗəw kara baa d-ar-si uyje ɗəw torondu gə gə go darɔ Kirisi, mba təl ꞌtoje ne nje kar dəw gə ɗangə, nje kuy ɓa ndol horo nje gə d-uy gə, mba kar osoje kandə ɔji dɔ Luba.

Romaindjé 8:2

Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə.

1 Corinthiendjé 10:31

Be ɓa, le usaje ne ne, le ayje ne ne, ngaɓa le ɗi-ɗi ɓa ꞌɗaje kara, ꞌɗaje ne tɔ̰y mba rɔnduba lə Luba.

1 Corinthiendjé 9:20

Ɓə lə Jiibije ɗaa m-ɗa rɔ-m to to gə Jiibi be, mba kinga ne Jiibije, m-godo gəl torondu gə ngaa, ngaa ɓo ɓe lə nje gə d-isi gəl torondu gə nama m-ɗa rɔ-m to to gə dəw gə isi gəl torondu gə be mba kinga ne nje gə d-isi gəl torondu gə;

2 Corinthiendjé 5:15

n-uy mba dəwje tɔ̰y, mba kar nje gə d-isi kəm baa le, d-isi kəm baa ɔji dɔ ꞌjeje ja ang saar, ngaa d-isi kəm baa mba ɔji dɔ dəw gə uy ɓa ndol mba tar lə-je.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Galatedjé 3:24

Be ɓa, torondu to njekɔr no-si ngina ne Kirisi, mba kar d-o ne si gə dəwje gə gadə-gadə ɗəw takagə gə.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Colossiendjé 2:20

To gə ɓo uyje gə Kirisi naa gə nama ar-je əw gə ndu kar neje gə dɔ nangə nee mba ɗi ɓa ar-je ndu neje gə dɔ nangə nee d-o̰ ɓe dɔ-si gə cibi wa?

Colossiendjé 3:3

Mba uyje ɗaa təbə lə-si iya rɔ-ɛ gə Kirisi rɔ Luba gə.

1 Thessaloniciendjé 5:10

gə uy mba-si, mba kar le j-ɔsə ne kəm-si kɔrə ose j-a cibi ne kara kar j-isi ne sə-a naa gə kəm baa.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 4:6

Gəl-e gə nee le ɓa, nje gə jabaw kara d-ila mbərə d-ar-je tɔ, ꞌgangə tar dɔ-je gə ɗəw darɔ gə nam ja ngaa, mba kar njilje inga ne lokisi rɔ Luba gə.