Galatedjé 2:17 - Mbede Lə Luba Kone Gə Sigi

¹⁷ Ngaa to gə ɓo j-a sangə kar d-o si gə dəwje gə gadə-gadə ɗəw gə lə Kirisi nama, sijee kara j-a təl to njeneɗaje gə kṵra̰y tɔ. Ɗaa se Kirisi to njekula lə neɗa gə kṵra̰y wa? Be ang baa.

Testament ke Siki 1960 (Kabba Laka)

¹⁷ A tokou djèdjè nsange deo ta dé gaté gaté mè Christ té, djèdjè djo djèdjè ndja nto ndjè né da ke madjang tò, bana Christ to ndjè tòdjou tar ke madjang wa? Ngadji goto.

Galatedjé 2:17 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Lugu 20:16

N-a ɗe kar ꞌtɔl njeɗa kula bḭyə̰je nee ɗaa n-a kun bḭyə̰ le kar nje gə ɗangə. Logə Parijiyɛ̰je d-o tarje nee be ɗaa, ꞌpa na: A to to gə be ang!

Romaindjé 11:7

Pa na ɗi wa? Ne gə Ijirayɛl sangə le inga ang, ngaa nje gə ꞌmbərə-je ɓa d-inga, nje gə kɛm d-isi gə məkədərə,

Romaindjé 15:8

Mba m-pa na Kirisi təl njekula lə njekunja bərəje mba tɔji ne to gə Luba pa tar gə tɔgərɔ, ngaɓa mba tɔji ne to gə n-ar njang dɔ neje gə n-uwa dɔ gɔl-ɛ n-ar ka-sijee,

Romaindjé 3:4

Be ang baa! May gərə ngadə to gə Luba ɗa ne gə tɔgərɔ, ngaa dəw gə ɗa-ɗa kara to nje ɗəgərə, to gə ꞌɗa ne mə mbede gə na: Mba kar d-o-i ne gə dəw gə gadə-gadə gə go tarje gə ce ta-i gə, ngaɓa gə kar tar uwa-i ne lo gangə tar gə ang.

Romaindjé 3:6

Be ang baa! A ɓo be ang nama Luba a gangə tar dɔ dəwje gə to gə ban wa?

Galatedjé 2:11

Ngaa logə Sepas ɗe mə ɓe gə Antiyos gə to dɔ nangə gə Siri, ɗaa m-pa sə-a kəm dəwje mba kula ɗ-ɛ gə to gə dɔ gɔl-ɛ ang.

Galatedjé 2:15

Sijee le, j-a to Jiibije gə kuji kəy, ɓo sijee j-a to njeneɗaje gə kṵra̰y to gə dəwje gə ꞌgərə Luba ang be ang.

Galatedjé 3:21

Se torondu tila kəm ndu kunje gə Luba uwa dɔ gɔl-ɛ wa? Bənəng ang baa! To gə Luba a kaji dəw ɗəw torondu gə nama, neɗa gə gadə-gadə a ɗe ɗəw torondu gə ja tɔgərɔ.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Ebərəje 8:2

N-to njekula gə no polo gə, gə kəy lo gə tɔgərɔ, gə Mbayɓe ja ɗa ɓo dəw ang.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.