Galatedjé 2:14 - Mbede Lə Luba Kone Gə Sigi

¹⁴ Logə m-o to gə pa nja lə-je to gadə-gadə gə go tar gə tɔgərɔ lə Tar gə May ang ɗaa, m-pa m-ar Sepas kəm-je gə tɔ̰y na: ꞌI gə to Jiibi, ɓa ꞌɗa neɗa lə dəwje gə ꞌgərə Luba ang, ɓo gə pa ne nejiɓe lə Jiibije ang. Ngaa dəwje gə ꞌgərə Luba ang ɓa ꞌi ɔsə-je mba kar d-un kula ɗa nejiɓe lə Jiibije, mba ɗi wa?

Testament ke Siki 1960 (Kabba Laka)

¹⁴ A tokou ma mo dèdè ndja gatang deo tar té ke tokoro lo tar ke madji, ma mpa ke Céphas nodè té toï, Tokou i ke to Juif, i ndja tokou Gentildjé bo tokou Juif ang, mbata di a i djòkou Gentildjé ta ndja deo té lo Juifdjé wa?

Galatedjé 2:14 ပူးပေါင်းရင်းမြစ်များ

Koula 10:28

Piyɛr un tar pa ar-je na: ꞌGərəje to gə ndu ɔgə mba kar dəw gə to Jiibi ang nama Jiibi um sə-a naa gə ang nəm andə kəy lə-a ang nəm tɔ ngaa Luba tɔji-m mba kar-m m-o dəw gə dəw gə uwa yoro ose mina ang.

Koula 15:1

Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang.

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

Koula 15:5

Be ɓa dəwje lə Parijiyɛ̰je gə njetakagəje, d-ḭ ꞌpa na may kun ndu kar dəwje gə ꞌgərə Luba ang d-ila kuji dɔ torondu gə lə Moyiji, gə d-unja bərə ɓa.

Romaindjé 14:14

M-gərə ngaɓa m-gərə gə maj-ɛ ɗəw gə lə Mbayɓe Jeju, to gə ne kara gə mina gə dɔ rɔ-ɛ le godo; ngaa to gə ɓo dəw o ne gə ne gə mina nama, to ne gə mina ta kəm-e ye gə ja.

Galatedjé 1:18

Ɗa ɓal munda go-e gə ɓa, m-aw mə ɓe gə Jerujalɛm mba kinga Piyɛr, ngaɓa m-ɗa ndɔ dɔg gə gir-e gə mi ɓə lə-a.

Galatedjé 1:6

M-a pḭḭ, m-gərə ang, se ban cibi ɓa ꞌturuje rɔ-si pagəsa mba kḭya̰ go ye gə nje ɓar-si ɗəw mənuji gə lə Kirisi mba ta ne Tar gə May gə ɗangə wa?

Galatedjé 2:3

Ngaa Titə, dəw gə to Gərɛk gə aw sə-m le, kuwa ja kara d-uwa-a gə singa d-ar n-unja bər-e ang.

Galatedjé 2:5

Kar kara baa ja kara j-ula dɔ-si j-ar-je ang, mba kar tar gə tɔgərɔ lə Tar gə May le to ne horo-si gə gə no.

Galatedjé 2:7

Ngaa ꞌjejee d-o to gə Luba ja ɓa um kula kila mbərə Tar gə May horo dəwje gə ꞌgərə Luba ang ji-m gə, to gə n-um ne ji Piyɛr gə ɔji dɔ Jiibije,

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Galatedjé 6:12

Dəwje gə ꞌnjigi kuwa-si gə singa kar unjaje bərə-si le, ꞌto dəwje ꞌnjigi tɔji rɔ-je ɗəw darɔ to gə ꞌto dəwje gə ꞌto ɓəəl ya̰ ta kəm dəwje gə. ꞌƊa bənəng mba kar d-ula ne kəm-je ndoo ɔji dɔ Kirisi gə ꞌɓər-e kagə dəsə gə ang ja baa.

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

1 Timoce 5:20

May kar ndangə njeneɗaje gə kṵra̰y no dəwje gə tɔ̰y, be ɓa nje gə kɛm d-a ɓəəl nee.

Ebərəje 12:13

May kar-si ꞌnjaje ɗəw gə dana njururu mba kar gɔl gə aw məndə jɔgə rɔ-ɛ ang, ngaa kar-ɛ aji.

Ebərəje 9:10

Mba to nduje gə ɔji dɔ nekusaje gə nekayje ja baa ngaɓa gə ji nesangəje ɓədə-ɓədə ngaɓa nduje gə dəwje ja baa d-un ꞌɗa ne kula saar kar d-un ne ndu gə sigi ꞌce ne.