Galatedjé 2:11 - Mbede Lə Luba Kone Gə Sigi

¹¹ Ngaa logə Sepas ɗe mə ɓe gə Antiyos gə to dɔ nangə gə Siri, ɗaa m-pa sə-a kəm dəwje mba kula ɗ-ɛ gə to gə dɔ gɔl-ɛ ang.

Testament ke Siki 1960 (Kabba Laka)

¹¹ A tokou Céphas dé Antioche té, ma mmaitar sa kèmè té mbata nè nase saria.

Galatedjé 2:11 ပူးပေါင်းရင်းမြစ်များ

Matiye 16:23

Ngaa Jeju turu kəm-e pa ar Piyɛr na: ꞌSu ɔdə ta-m gə gə ɗangə! ꞋI to jigi tuga koso no-m gə, mba kəji tarje lə-i to kar Luba ang ngaa to kar dəwje baa.

Jean 1:42

Be ɓa n-ɔr no-ɛ n-aw sə-a ɓe lə Jeju. Logə Jeju a-e jii ɗaa pa na: ꞌI to Simo, ngon lə Ja̰: D-a ɓar-i Sepas, kɔr m-e na: Kɔr ər.

Koula 11:19

Nje gə ꞌja̰rɛ̰ naa mba nekəmtondoo gə ce dɔ-je ɔji dɔ Etiyɛn le d-a̰y saar ꞌce Penisi, gə Sipərə ngaɓa ꞌce ɓebo Antiyos tɔ ɗaa ꞌpa tar neje nee le d-ar dəwje gə ɗangə ang ngaa ꞌpa d-ar Jiibije ja baa.

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 11:22

Tar lə-je oso mbi Mbo̰ naa lə njetakagəje gə Jerujalɛm ɗaa d-ula Barənabas d-ar-ɛ aw saar Antiyos le.

Koula 11:27

Dɔ ndɔ-ɛje gə əng le, pajambərəje d-ḭ Jerujalɛm d-aw Antiyos.

Koula 15:1

Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang.

Koula 15:5

Be ɓa dəwje lə Parijiyɛ̰je gə njetakagəje, d-ḭ ꞌpa na may kun ndu kar dəwje gə ꞌgərə Luba ang d-ila kuji dɔ torondu gə lə Moyiji, gə d-unja bərə ɓa.

2 Corinthiendjé 11:5

Mba m-o to gə nje gə d-o rɔ-je gə njeka̰ykulaje gə to ɓəəl ya̰ kən le, ne gə ꞌnday-m ne ꞌma kara ja godo.

2 Corinthiendjé 12:11

M-pa tar to gə dəw gə təl mbə be, sisəy ja ɓa ɔsə-mje ila-mje kəne. Mba sisəy le ja ɓa a paje tar taje ne dɔ-m ang wa? M-to ne ang tɔgərɔ ja, ngaa ne kara ja gə njeka̰ykulaje gə d-o rɔ-je gə dəwje gə to ɓəəl ya̰ nee le nday-m ne godo.

2 Corinthiendjé 5:16

Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

Galatedjé 1:18

Ɗa ɓal munda go-e gə ɓa, m-aw mə ɓe gə Jerujalɛm mba kinga Piyɛr, ngaɓa m-ɗa ndɔ dɔg gə gir-e gə mi ɓə lə-a.

Galatedjé 2:14

Logə m-o to gə pa nja lə-je to gadə-gadə gə go tar gə tɔgərɔ lə Tar gə May ang ɗaa, m-pa m-ar Sepas kəm-je gə tɔ̰y na: ꞌI gə to Jiibi, ɓa ꞌɗa neɗa lə dəwje gə ꞌgərə Luba ang, ɓo gə pa ne nejiɓe lə Jiibije ang. Ngaa dəwje gə ꞌgərə Luba ang ɓa ꞌi ɔsə-je mba kar d-un kula ɗa nejiɓe lə Jiibije, mba ɗi wa?

Galatedjé 2:5

Kar kara baa ja kara j-ula dɔ-si j-ar-je ang, mba kar tar gə tɔgərɔ lə Tar gə May le to ne horo-si gə gə no.

Galatedjé 2:7

Ngaa ꞌjejee d-o to gə Luba ja ɓa um kula kila mbərə Tar gə May horo dəwje gə ꞌgərə Luba ang ji-m gə, to gə n-um ne ji Piyɛr gə ɔji dɔ Jiibije,

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

1 Timoce 5:20

May kar ndangə njeneɗaje gə kṵra̰y no dəwje gə tɔ̰y, be ɓa nje gə kɛm d-a ɓəəl nee.

Jacques 3:2

J-a ɗa neje gə kṵra̰y gə ɗəwje bula. To gə ɓo dəw ɗa ne gə kṵra̰y ɗəw pa tar gə ang nama, to dəw gə may pɛdə gə asə mba ngom rɔ-ɛ gə maj-ɛ pɛdə tɔ.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.