Galatedjé 1:6 - Mbede Lə Luba Kone Gə Sigi

⁶ M-a pḭḭ, m-gərə ang, se ban cibi ɓa ꞌturuje rɔ-si pagəsa mba kḭya̰ go ye gə nje ɓar-si ɗəw mənuji gə lə Kirisi mba ta ne Tar gə May gə ɗangə wa?

Testament ke Siki 1960 (Kabba Laka)

⁶ Mem isa mbata loshénè loshénè sésè ïyaidjé deo lo nè ke mmarsè mbä mè tokou mè madji té lo Christ, ke etouridjé ròsè mare tar ke madji ke dang.

Galatedjé 1:6 ပူးပေါင်းရင်းမြစ်များ

Marəke 6:6

Lo tar igi-e sɛl mba məkədərə lə-je. Jeju nja gə ngan ɓeje gə mbɔr ɓe kuj-e gə tɔji ne.

Jean 9:30

Dəw le ila-je kəne na: Ne gə to tar kəji ya̰ le, sisəy na ꞌgərəje lo gə n-ḭ kəne ang, ngaa gə n-ɗa n-ar kəm unja nee le tɔ.

Koula 15:11

Ngaa, gə go mənuji lə Mbayɓe Jeju ɓa j-o to gə j-aji ne le ja, ꞌjejee kara ɗəw kara baa to gə be tɔ.

Romaindjé 10:3

Mba ꞌgərə go ɗəw gə Luba o ne dəw, gə dəw gə gadə-gadə ang, ɗaa ꞌjejee ja ꞌsangə ɗəw lə-je mba to ne gadə-gadə, ngaɓa ꞌnjigi-je go ɗəw gə Luba o ne dəw gə dəw gə gadə-gadə le ang;

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

1 Corinthiendjé 4:15

Mba, le njetɔji sisəy neje gə mə Kirisi gə d-ḭ tɔl-tɔl dɔg lo dɔg kara bɔ-sijee-je gə ɗəw lə Kirisi ɗaa ꞌbula ang baa, mba to ꞌma ja m-uji si ɗəw gə lə Kirisi Jeju gə go Tar gə May.

2 Corinthiendjé 11:4

Mba to gə ɓo dɔngɔr dəw ɗe ila mbərə lə Jeju gə to dang gə ye gə sijee j-ila mbər-e j-ar-sisəy, ose to gə ɓo ꞌtaje njil gə to dang gə ye gə ingaje kede, ose oje Tar gə May gə ɗangə oreje ne dɔ ꞌye gə oje kede nama nj-ɛ nee le ilaje kud-e gə ya̰ ja.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

Galatedjé 1:11

Ngan ko̰-mje, m-pa kar-si ꞌgərəje gə maj-ɛ, Tar gə May gə m-ila mbər-e le ngira-a ḭ mə ji dəw gə ang.

Galatedjé 1:15

Ngaa, logə Luba mbərə-m mə ko̰-mje gə, gə go ɗəw mənuji lə-a ɗaa ɓar-m.

Galatedjé 1:7

M-pa ɔji ne dɔ Tar gə May gə ɗangə ang ngaa m-pa ɔji dɔ dəwje gə ꞌɗe ꞌjɔgə-si ngaɓa njigi turu dɔ Tar gə May lə Kirisi le gə nangə.

Galatedjé 2:14

Logə m-o to gə pa nja lə-je to gadə-gadə gə go tar gə tɔgərɔ lə Tar gə May ang ɗaa, m-pa m-ar Sepas kəm-je gə tɔ̰y na: ꞌI gə to Jiibi, ɓa ꞌɗa neɗa lə dəwje gə ꞌgərə Luba ang, ɓo gə pa ne nejiɓe lə Jiibije ang. Ngaa dəwje gə ꞌgərə Luba ang ɓa ꞌi ɔsə-je mba kar d-un kula ɗa nejiɓe lə Jiibije, mba ɗi wa?

Galatedjé 2:2

M-aw m-ila ne kɔji dɔ ne gə Luba kila gəl-e ar-m kar m-aw m-ɔr gəl mbərə Tar gə May gə m-ila m-ar dəwje gə to gə Jiibije ang m-ar-je d-o; m-uwa dɔ naa gə bubaje gə lo-e ɓədə, mba kar kula gə m-ɗa le unda nangə baa ang.

Galatedjé 2:5

Kar kara baa ja kara j-ula dɔ-si j-ar-je ang, mba kar tar gə tɔgərɔ lə Tar gə May le to ne horo-si gə gə no.

Galatedjé 2:7

Ngaa ꞌjejee d-o to gə Luba ja ɓa um kula kila mbərə Tar gə May horo dəwje gə ꞌgərə Luba ang ji-m gə, to gə n-um ne ji Piyɛr gə ɔji dɔ Jiibije,

Galatedjé 5:14

Be ɓa, torondu tɔ̰y le tɔl t-ɛ gə tar gə kara baa nee: ꞋI a njigi njemar-i to gə darɔ-i be.

Galatedjé 5:4

Sisəy gə ꞌsangəje mba kar d-o si gə dəwje gadə-gadə ɗəw torondu gə le, horo-si riya dana gə Kirisi, ngaɓa ꞌlalje mənuji.

2 Thessaloniciendjé 2:14

Ye gə ne ja tɔ ɓa, n-ɓar-si ne ɗəw Tar gə May gə lə-sijee mba kar ingaje ne riɓar lə Mbayɓe le-si Jeju Kirisi.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

2 Timoce 2:1

Be ɓa ꞋI gə to ngon-m le, mənuji lə Kirisi Jeju to gəl kuba singa lə-i.

1 Piyɛr 1:15

ngaa, ɗəw kara baa to gə nje ɓar-si le to gə njerɔsangə ɗaa sisəy kara may kar ꞌsangəje rɔ-si dɔ pa nja-si gə tɔ̰y,

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

Apocalypse 22:21

May kar mənuji lə Mbayɓe Jeju nay gə dəwje tɔ̰y!