Galatedjé 1:4 - Mbede Lə Luba Kone Gə Sigi

⁴ Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Testament ke Siki 1960 (Kabba Laka)

⁴ Nè ke nare rè ndja leo mbata né ke madjang lodjè, baa ta kòroudjè mè bal té ke madjang loshénè nèn, deo té ke Allah Bòdjèdjè ndiki.

Galatedjé 1:4 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 26:28

ꞌYe gə nee le to məsə-m, məsə kone gə kay nangə mba dəwje bula, mba kar tar neɗa gə kṵra̰y ɔr ne dɔ-je gə.

Matiye 26:42

Jeju təl ɔdə aw nganga̰ gə gɔl joo lə-a ja cibi, ɗaa dəji Luba na: Bɔy, to gə ɓo ɗəw gə kar nekay ꞌməsərə nee le a nday ne ta-m gə godo, a ɓo kar-m m-ay gə kay gə no nama, may kar ꞌɗa mə njigi lə-i ja.

Matiye 6:9

Oje pa dəji Luba gə a dəji-je le ɓa nee: Bɔ-sijee gə isi mə dara gə, May kar ri-i to ɓədə gə losang-ɛ;

Marəke 10:45

Mba ꞌma gə Ngon lə dəw m-ɗe mba kar ꞌɗa kula d-ar-m ang, ngaa m-ɗe mba to ngon njekula, gə kun təbə lə-m gə nekuga dɔ dəwje bula.

Lugu 22:19

Cibi, Jeju un mbə, ɗaa ar oyo Luba ngaɓa uwa cɛdə dana ula ar-je pa ne tar t-ɛ gə na: ꞌYe gə nee to gə darɔ-m gə m-un m-ar-sisəy. ꞌƊaje ne gə nee le oleje ne mə-si dɔ-m gə.

Lugu 22:42

Bɔy, to gə ɓo ꞌnjigi nama, ɔsə nekay ꞌməsərə nee ta-m gə ngərəng gə ɗangə. Be ja kara, to mə njigi lə-m ꞌma ang, ngaa may kar-i ꞌi ja ꞌɗa mə njigi lə-i.

Jean 10:11

ꞌMa m-to gə njenekuul gə may; njenekuul gə may ḭya̰ rɔ-ɛ ar yo mba badəmje lə-a.

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Jean 5:30

ꞌMa m-asə ɗa ne kara gə dɔ-m baa ang: ne gə m-o gə mbi-m ja ɓa m-gangə ne tar, ngaɓa tar gangə lə-m le to dana gadə mba mə njigi lə-m ꞌma ɓa m-sangə ang, ngaa mə njigi lə dəw gə nje kula-m.

Jean 6:38

mba m-ḭ dara m-ɗe mba ɗa mə njigi lə-m ꞌma ang ngaa, mba ɗa mə njigi lə dəw gə njekula-m.

Romaindjé 1:7

m-ɗa mbede nee m-ar-sisəy tɔ̰y gə isije Rɔm, gə Luba njigi-si ya̰, gə ꞌɓar-si kar ꞌtoje gə losang-ɛ le: May kar Bɔ-sijee Luba gə Mbayɓe Jeju Kirisi d-ar-si mənuji gə ɗɛgɛgɛ!

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 4:25

d-un-e d-uga ne dɔ kal tarje lə-si, ngaɓa n-uy ɓa ꞌndol-e mba kar j-a to ne dəwje gə gadə-gadə.

Romaindjé 8:27

ngaɓa ꞌne gə nje njenga̰ mə dəwje le n-gərə ne gə Njil njigi dəji, mba Njil le ɗaa dəji Luba mba njerɔsangəje gə go ɗəb-e gə Luba njigi.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

1 Corinthiendjé 15:3

Ne gə ꞌma m-inga ja, m-ar-si dɔngɔr: Gə go tar mə mbede gə ɗaa Kirisi uy mba neɗaje gə kṵra̰y lə-si;

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Ephésiendjé 1:11

Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 5:16

Ḭya̰je dɔ kar ar-ɛje nday baa ang, mba j-isi dɔ ndoje gə kṵra̰y gə.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

Philippiendjé 4:20

May kar riɓar to dɔ Bɔ-sijee Luba gə, gə ɓal gə ɓal. Oyo!

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Thessaloniciendjé 3:11

May kar ꞌne gə Luba gə darɔ-ɛ ja, gə Bɔ-sijee, ngaɓa Mbayɓe lə-si Jeju ꞌgɔl ɗəw d-ar ja ce ne ɓe lə-si.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 2:6

gə iya̰ rɔ-ɛ to nekuga dɔ dəwje. Ye ɓa to tar naji gə Luba tɔji dɔ kar gə Luba ɔji.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 2:5

Be ɓa tar gə ɔji dɔ dəwje gə dɔ ndɔ gə bara gə j-a pa tar-ɛ le, anjije ɓa Luba a kar d-o̰ dɔ-je ang.

Ebərəje 6:5

ꞌna tar lə Luba d-o ɗɔdə ngaɓa ꞌgərəje singamongə gə ɔji dɔ ndɔ gə bara nam,

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

1 Jean 3:16

Ne gə sijee j-a gərə ne njigi lə ɓa nee: ꞌne le, n-un təbə lə-a n-uga nee dɔ-si. Be ɓa, sijee kara, j-un təbə mba ngan ko̰-sijee.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,