Galatedjé 1:21 - Mbede Lə Luba Kone Gə Sigi

²¹ Cibi, m-aw dɔ nangə gə Siiri, gə dɔ nangə gə Silisi.

Testament ke Siki 1960 (Kabba Laka)

²¹ Gè té ma mao nange té ke Syrie ke Cilicie.

Galatedjé 1:21 ပူးပေါင်းရင်းမြစ်များ

Matiye 4:24

No kula lə Jeju oso dɔ nangə gə Siiri ja tɔ̰y. ꞌƊe gə dəwje tɔ̰y gə rɔko̰je bula ula kəm-je ndoo gə naməje dang-dang, nje gə njilje gə kṵra̰y ula gərəng mə-je gə, njeməngərəje, gə nje gə dəbə rɔ-je uy ɗaa n-aji-je.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 15:23

ꞌƊa mbede to gə be d-ar-je na: Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.

Koula 15:41

ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.

Koula 18:18

Pɔl isi kəne ɗa ndɔ bula ja cibi. Go-e gə ngaɓa ḭya̰ ngan ko̰ naaje, al to aw gə ɓeko̰ gə Siiri naa gə kara baa gə Pirisika je gə Akilas. ꞌCe Sa̰kəre ɗaa Pɔl ar-je ꞌgisa dɔ-ɛ kəne mba un ndu-e.

Koula 21:3

Logə j-o ɓe gə Sipərə no-si gə ɗaa j-unja gə ɗəw gə dɔ gəl ngaɓa j-a ləl to dɔ-si gə Siiri, ɓa gə mba ce ne Tir gə d-a kɔr nekodoje nangə kəne.

Koula 21:39

Be ɓa Pɔl pa na, ꞌma le ɗaa, m-to Jiibi gə Tarəsə dɔ nangə gə Silisi, ngon kuji ɓebo gə ri-a ɓar. M-ɗa-i kɔgərɔ ja ḭya̰ ɗəw ar-m m-pa tar m-ar dəw mə ɓeje.

Koula 22:3

ꞌMa le, m-to Jiibi, d-uji-m Tarəsə dɔ nangə gə Silisi, ngaa d-odo-m mə ɓebo gə nee ja ngaɓa m-ndo ne no-gɔl Gamaliyɛl gə mba kar m-ila ne kuji dɔ torondu gə lə ka-sijee gə gə dɔ gɔl-ɛ ja. Tar polo Luba o̰-m ya̰ to gə sisəy tɔ̰y ɓogəne be ja tɔ.

Koula 23:34

Be ɓa njeko̰ ɓe tura mbede le ɗaa təl dəji mba gərə se Pɔl to gə dɔ nangə gə ɗa wa? Ɗaa ꞌpa d-ar-ɛ na n-to gə dɔ nangə Silisi.

Koula 6:9

Nje gə kɛm horo-je gə d-ḭ kəy nendo gə lə Jiibije gə to kar ɓərəje gə d-ɔr kula gɔsə-je gə, horo nje gə d-ḭ ɓe gə Sirɛn gə ɓe gə Alɛgəjandəri ngaɓa nje gə d-ḭ dɔ nangə gə Silisi gə dɔ nangə gə Aji d-un kudu ma̰y tar gə Etiyɛn.

Koula 9:30

Logə ngan ko̰ naaje d-o tar-ɛ ɗaa d-ɔr-ɛ d-aw sə-a Sejare ngaɓa d-ar-ɛ n-aw Tarəsə.