Galatedjé 1:16 - Mbede Lə Luba Kone Gə Sigi

¹⁶ ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Testament ke Siki 1960 (Kabba Laka)

¹⁶ To madji kèmè té ta tòdjou Ngonè ke daka deo té lom, ta kare ma mase tòdjou tar la horo Gentildjé té, bashénè ba mam ndoudjou ndedji lo da rò aséh mese ang.

Galatedjé 1:16 ပူးပေါင်းရင်းမြစ်များ

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Koula 5:42

Ngaɓa gə ndɔ-ndɔ ja, mə kəy gə lə Luba ngaɓa mə kəyje gə d-əw rɔ-je tɔji ne gə kila mbərə Tar gə May gə ri Kirisi Jeju ang.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 11:13

M-pa m-ar-sisəy tɔ̰y ja, sisəy gə ꞌtoje Jiibije ang le, ꞌma gə m-to njeka̰ykula lə dəwje gə ꞌgərə Luba ang, to gə m-ɔsə gaji rɔ-m dɔ kula gə lə-m,

1 Corinthiendjé 15:50

Ngan ko̰-mje, tar gə m-pa le, mba darɔ gə məsə le d-a kasə kuwa ɓeko̰ lə Luba gə nenduba ang, ngaɓa ne gə a ndum le, a kuwa nduba ne gə a ndum ang ang.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

2 Corinthiendjé 5:16

Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

Galatedjé 2:1

Ɓal dɔg gə gir-e gə sɔɔ go-e gə ɗaa, m-ar-je gə Barənabas j-aw mə ɓe gə Jerujalɛm to gə ɗangə, m-uwa Titə kara ji-m gə tɔ.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

2 Timoce 1:11

Mba Tar gə May nee le ɓa Luba unda-m ne gə nje pa tar lə-a nəm, gə njeka̰ykula ngaɓa gə nje tɔji ne nəm tɔ.

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,