Galatedjé 1:10 - Mbede Lə Luba Kone Gə Sigi

¹⁰ Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Testament ke Siki 1960 (Kabba Laka)

¹⁰ A loshénè mam nsange ta kinga piti kem dooudjé té, aséh kem Allah té wa? Aséh mam nda ta kare mè dooudjé koukou wa? Tokou mam nda ta kare mè dooudjé koukou, ma ma to bere lo Christ ang.

Galatedjé 1:10 ပူးပေါင်းရင်းမြစ်များ

Matiye 22:16

D-ula ngan njenendoje lə-je gə nje koso gəl Erɔdə gə je ɓə lə Jeju na: Njenetɔji, j-a gərə to gə ꞌto nje pa tar gə tɔgərɔ nəm, ꞌtɔji dəwje ɗəw lə Luba gə tɔgərɔ, ꞌɓəəl ne kəm dəw ang, mba ꞌi o pa kun darɔ lə dəwje gə ɗaga baa ang.

Matiye 28:14

Be ɓa ɓo njeko̰ ɓe Pilad o tar-ɛ nama ja gərə gusu gə ja pa ne mba kar nejɔgə ɗe dɔ si ang.

Matiye 6:24

Dəw gə gə kar-ɛ baa ja ꞌɓəə-eje d-a kḭ joo ang, mba n-a njigi dəw gə kara ang gə kɔrɔ ɗaa, dəw gə kara ɓa n-a njigi-e ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang.

Koula 12:20

Mə Erɔdə o̰-ɛ dɔ njeɓeje gə Tir gə, gə nje gə Sido̰. Ngaa d-um mə-je naa gə ꞌɗe d-inga ngaɓa logə ꞌgɔlje tar gə ngon njekula gə mə kəy gə lə Erɔdə, gə ri-a na Balasətus ɗa ar ꞌgɔlje gə Erɔdə le d-ar ɗɛgɛgɛ to ne horo-je gə mba nekusa ta dəwje nee tɔ̰y le ḭ mə ɓe gə lə mbay le.

Koula 5:29

Piyɛr ila-je kəne ngaɓa njeka̰ykulaje kara nəm na: Kila kuji dɔ Luba gə may unda kila kuji dɔ dəwje gə.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 2:29

ngaa dəw gə to Jiibi le, to Jiibi m-e gə kəy, ngaɓa kunja bərə gə tɔgərɔ le to dɔ ɓəngərə gə, gə go njil ɓo mbede torondu ang baa. Dəw gə to gə be le Luba ja ɔsə gaji-ɛ ɓo dəwje baa ang.

Romaindjé 2:8

ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne.

1 Corinthiendjé 10:33

to to gə ꞌma kara, m-ɗa ga mba may kəm dəwje gə ɔji dɔ neje tɔ̰y le, m-sangə ne may lə-m ꞌma ja baa ang, ngaa mba may lə nje gə bula, mba kar d-inga ne kaji.

2 Corinthiendjé 12:19

Ləw baa ja le, sisəy əjije to gə j-aw sangə mba to gadə-gadə no sisəy gə. Sisəy gə ja njigi-si ya̰ le, sijee le ja pa tar no Luba gə, gə no Kirisi gə mba kar takagə lə-sisəy mongə ne.

Ephésiendjé 6:6

ɓo ꞌɗaje gə mba ta kəm-je baa ang, ngaɓa to gə gə mba may ne ta kəm dəwje gə, ngaa asə naa gə ngan lokisije lə Kirisi, gə ꞌɗa mə njigi lə Luba gə dɔ ɓəngərə-je tɔ̰y ja.

Philippiendjé 1:1

ꞌMa Pɔl, je gə Timoce, njekulaje lə Kirisi Jeju, j-a ɗa mbede nee j-ar njerɔsangəje gə mə Kirisi Jeju gə, gə d-isi Pilipi, gə nje ka dɔ njetakagəje ngaɓa gə diyakərəje tɔ.

Colossiendjé 3:22

Ngan njekulaje, dan neje gə tɔ̰y le, ilaje kuji dɔ ꞌɓəə-sijee gə gə go ɗəw gə darɔ gə, ɓo ꞌɗaje mba ta kəm-je ang to to gə aw sangəje mba mayje ne ta kəm dəwje gə, ngaa ꞌɗaje gə mə gə may ꞌɓəəlje ne Mbayɓe.

1 Thessaloniciendjé 2:4

ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Jean 3:9

Dəw gə ɗa-ɗa gə Luba uji-e le ɗa neɗa gə kṵra̰y ang, mba ko ne lə Luba to m-e gə, ɗaa n-asə ɗa neɗa gə kṵra̰y ang, mba Luba uji-e.