Ephésiendjé 6:8 - Mbede Lə Luba Kone Gə Sigi

⁸ may kar-si ꞌgərəje gə maj-ɛ to gə kara kara tɔ̰y ja, ngon lokisi ose ngon kuji kara, neɗa lə-a gə may gə ye ɗa ja ɓa a kinga ne ne gə may mə ji Mbayɓe gə.

Testament ke Siki 1960 (Kabba Laka)

⁸ Sésè egeridjé, dooudjé kada kada ke to bere, aséh doou ke ndjè kei, tokou dèdè nda né ke madji, da kinga deo kadaba ke dji Mbaibé Seigneur té ase né ke dèdè nda.

Ephésiendjé 6:8 ပူးပေါင်းရင်းမြစ်များ

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Matiye 20:7

D-ila-a kəne na: Mba dəw un si kula gə ang. N-pa n-ar-je na: Ɓo be ɗaa ɔdəje awje ndɔ bḭyə̰ gə lə-m tɔ.

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Matiye 6:1

Jeju təl pa ja cibi, ꞌngomje rɔ-si dɔ neɗa gə gadə-gadə gə ꞌɗaje mba kəm dəwje, mba kar d-o ne si ja baa, be nama Bɔ-sijee gə isi dara le a kuga dɔ ji-si ang baa.

Matiye 6:4

Be ɓa Luba gə o ne gə ar lokiya gə le a kuga dɔ ji-i.

Lugu 14:14

A to njenokarə mba dəwje nee le d-a kasə kuga dɔ ji-i ang, ngaa Luba ja ɓa a kuga dɔ ji-i ndɔ gə dəwje gə gadə-gadə gə d-uy d-a ndol ne.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

2 Corinthiendjé 5:10

Be ɓa, may kar-sijee tɔ̰y j-ar no ngəndəng gangə tar gə lə Kirisi, mba kar na-na kara inga ne dɔ ji lə-a gə may ose gə kṵra̰y gə ɗa lo gə ye nay nee mə darɔ gə ɓi.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

Colossiendjé 3:25

Mba dəw gə ɗa ne dɔ buguru nama a kinga kuga neɗa gə dɔ buguru tɔ, ngaɓa kɔr kəm dəw godo.

Ebərəje 10:35

Undaje mə-si gə maj-ɛ dɔ kuga gə lə-si, ɓo ḭya̰je go-e ang!

Ebərəje 11:26

Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.