Ephésiendjé 6:21 - Mbede Lə Luba Kone Gə Sigi

²¹ Mba kar-sisəy kara, ꞌgərəje ne pa kisi-m gə m-isi, gə kula ɗa-m gə m-ɗa le ɗaa, ngon ko̰-m gə m-njig-e ya̰, njekula lə Mbayɓe gə gadə, gə ri-a na Tisikə ɓa a pa tɔ̰y kar-si oje.

Testament ke Siki 1960 (Kabba Laka)

²¹ Mbata kare egeridjé tar lom, ke né ke mam nda, Tychique, ngoködjè ke djèdjè ndikè nya, ndjè pa tar ke mè ndaa kaï mè Mbaibé Seigneur té, nè na pa karesè né toï.

Ephésiendjé 6:21 ပူးပေါင်းရင်းမြစ်များ

Koula 20:4

Dəwje gə ꞌdan-ɛ ɓa ri-je na: Sopatɛr ngon lə Pirus gə ɓe lə-a Bere, Arisətarəkə je gə Segondus gə ɓe lə-je Tesaloniki, Gayus gə ɓe lə-a Dɛrəbə, Timoce ngaɓa Tisikə je gə Toropim gə gəl-je ḭ dɔ nangə gə Aji.

1 Corinthiendjé 4:17

To gə be ɓa m-ula Timoce ɓə lə-si, ꞌne gə to ngon-m gə m-njig-e ya̰ ngaɓa n-to dəw gə dana gadə ɗəw gə lə Mbayɓe le, n-a kole mə-si dɔ pa nja-m gə ɗəw gə lə Kirisi Jeju, to to gə m-tɔji ne gə lo tɔ̰y, lo Mbo̰ naaje lə njetakagəje.

Philippiendjé 1:12

Ngan ko̰-mje, m-njigi mba kar ꞌgərəje to gə ne gə ce dɔ-m gə le, ɔsə kudu Tar gə May ar-ɛ aw gə kede.

Colossiendjé 1:7

Gə go nendo gə ngon ko̰-si Epapəras, njeba kula ndoo-si, ɗaa ꞌne n-to dəw gə ɗa kula lə Kirisi gə maj-ɛ ja n-ta nee toro sijee,

1 Timoce 4:6

To gə ɓo ꞌi tɔji tar nee le no ngan ko̰-ḭje ɗaa, ꞌi a to njekula lə Jeju Kirisi gə horo njetakagə gə gə maj-ɛ, Ye ɓa ꞌi a tɔji to gə tar takagə gə nendo gə tɔgərɔ gə ꞌi ndoo le ɗusu mə-i.

2 Timoce 4:12

M-ula Tisikə mə ɓe gə Epɛs gə.

Tite 3:12

Logə m-a kula Arətemas ose Tisikə ɓə lə-i nama ḭ gə tɔg-ɛ ꞌɗe inga-m mə ɓe gə Nikopolis mba mə ɓe gə nee ɓa m-njigi kar nay kul nday dɔ-m gə kəne.

Pilimo 1:16

ꞌi a ko-e gə ɓərə baa ang ngaa, ngaa ꞌne ɗaa n-nday ɓərə, n-to gə ngon ko̰-si gə j-a njigi-e ya̰. N-to ngon kəm-m ngaɓa kar-i ɗaa asə pa ang, ɗəw darɔ gə ose ɗəw gə lə Mbayɓe.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

2 Piyɛr 3:15

To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.