Ephésiendjé 6:19 - Mbede Lə Luba Kone Gə Sigi

¹⁹ ngaɓa mba ꞌma gə mba kar lo gə ɓo m-cɛ̰ ta-m ja̰ nama Luba um tar lə-a kəne ar-m m-pa gə ɓəəl ang m-ar dəwje ꞌgərə ne ne gə to lo kiya-a gə ɔji dɔ Tar gə May.

Testament ke Siki 1960 (Kabba Laka)

¹⁹ Ke edoudjidjé Allah mbata ma to, baa ta kare dòrou tarn ta pa tar ke madji ke yarè ke bel ang.

Ephésiendjé 6:19 ပူးပေါင်းရင်းမြစ်များ

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 14:3

Ngaa d-isi kuru-je əw Ikoniyom, ꞌpa tar gə dɔ Mbayɓe gə ngadə-ngadə, ɗaa ye kara ɗa tar naji ɔji dɔ tar mənuji lə-a, ar netɔjije gə neje dang-dang gə kəm dəw o ndɔ kara ang ce ɗəw gə lə-je.

Koula 18:26

ꞌNe nee le n-pa tar kəm ngon gə jingaw mə kəy nendo gə lə Jiibije. Logə Pirisika je gə Akilas d-o ɗaa d-uwa-a gə rɔ-je gə ꞌtəl tɔj-ɛ ɗəw lə Luba bɛrɛ-bɛrɛ ja cibi.

Koula 19:8

Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda.

Koula 2:4

Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Koula 28:31

n-ila mbərə tar ɓeko̰ lə Luba ngaɓa n-tɔji ne ɔji dɔ Mbayɓe Jeju Kirisi gə ɓəəl kara ang ngaɓa d-ɔg-ɛ ang tɔ.

Koula 4:13

Logə d-o-je to gə Piyɛr je gə Ja̰ ꞌɓəəl ang ɗaa dum dɔ-je, mba d-o Piyɛr je gə Ja̰ gə dəwje gə ꞌgərə ne ang nəm kəm-je unja ang, ngaa ꞌgərə-je to gə ꞌto njeba-ɛje lə Jeju.

Koula 4:29

Be ɓa dɔ kar gə nee, Mbayɓe, o singa gə d-aw ɗa dɔ-si gə, ɓo ar njekulaje lə-i d-ila mbərə tar lə-i gə ɓəəl kara ang.

Koula 4:31

Logə ꞌdəji Luba to gə be ɗaa, lo gə d-ar kəne ye ɗig-ɗig ɗaa Njil Njerɔsangə ɗusu mə-je tɔ̰y ngaɓa d-ila mbərə tar lə Luba gə ɓəəl ang.

Koula 9:27

Be ɓa Barənabas ɔr no-ɛ aw sə-a ɓə lə njeka̰ykulaje ngaɓa ɔr gəl ne gə ce dɔ-ɛ gə ɗəw boo le ar-je to gə Sɔl le o Mbayɓe, inga-a pa sə-a tar ngaɓa pa gə n-pa ne tar wəsəng Damasə gə ri Jeju.

Koula 9:29

Jiibije gə nje pa tar Gərɛgəje kara n-ma̰y gə je tar nəm ngaa ꞌjejee nee ꞌsangə ɗəw mba kar ꞌtɔl-ɛ.

Romaindjé 15:30

Ngan ko̰-m, m-ndəji-si gə ri Mbayɓe lə-si Jeju Kirisi ngaɓa gə go njigi lə Njil, kar ilaje dər mar-ɛ gə ar-mje, ɗəw dəji gə a dəjije Luba gə mba-m,

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

1 Corinthiendjé 1:5

mba ɗəw gə lə-a ja d-unda ne si dan may gə ɔji dɔ ne tɔ̰y, ɔji dɔ tar tɔ̰y ngaɓa gə negərə tɔ̰y nəm,

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

1 Corinthiendjé 4:1

Be ɓa may kar d-o sijee gə njengom ne lə Kirisi ngaɓa nje ka dɔ neje lə Luba gə to lokiya gə.

2 Corinthiendjé 1:11

Sisəy ja kara ꞌlaje gə si dɔ-ɛ gə ɗəw dəji Luba gə tɔ. Be ɓa mənuji gə sijee j-a kinga ɗəw dəji Luba gə lə dəwje bula ɔji dɔ-si le, a təl to ne gə dəwje bula d-a kar ne Luba oyo mba sijee.

2 Corinthiendjé 3:12

Be ɓa, sijee j-inga ne kunda mə gə gar-ɛ godo ɗaa ja ɓəəl ang.

2 Corinthiendjé 6:11

Sisəy, nje gə Kɔrɛnt, sijee ja pa gə si tarje tɔ̰y, ngaɓa j-ḭya̰ mə-si yag j-ar-si,

2 Corinthiendjé 7:4

M-ḭya̰ mə-m yag m-ar-si, rɔ-m ndɔɔ ya̰ dɔ si gə, mə-m oso nangə pɔ̰, rɔləl ɗusu mə-m dan ꞌməsərəje gə j-o gə.

2 Corinthiendjé 8:7

Ɗəw kara baa, to gə sisəy ꞌtoje baw dɔ neje gə tɔ̰y nee: takagə nəm, tar pa nəm, negərə nəm, ndəbə sər dɔ neje gə gə loe-loe ngaɓa njigi gə njigi-je sijee nəm, may kar ꞌɗaje kula mənuji gə nee le ar-je uru gada.

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Ephésiendjé 3:9

ngaɓa gə mba tɔji kar-ɛ arə ngadə, se to gə ban ɓa Luba gə njekunda ne tɔ̰y le, ɗa ne ne gə to lo kiya-a gə n-ngom m-e gə kede ləw baa le wa;

Colossiendjé 2:2

mba kar d-uba ne singa mə-je gə, kar kəji lə-je to ne kara baa dɔ njigi gə ngaɓa kar negərə ɗusu mə-je ar ꞌgərə ne ne lə Luba gə lo kiya-a gə, gə to Kirisi le,

Colossiendjé 4:3

ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

1 Thessaloniciendjé 2:2

Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula.

1 Thessaloniciendjé 5:25

Ngan ko̰-mje, ꞌdəjije Luba mba sijee tɔ.

2 Thessaloniciendjé 3:1

Ngan ko̰-mje, tar gə j-a pa tɔl ne t-ɛ ɗaa, ꞌdəjije Luba ɔji dɔ-si, mba kar tar lə Mbayɓe ta lo gə ngɔdə baa, ngaɓa d-ila riɓar dɔ-ɛ gə to gə d-ila ne riɓar dɔ-ɛ horo-sisəy gə be tɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Pilimo 1:22

Cibi, ꞌgɔl lo to ꞌngəbə-m, mba m-unda mə-m to gə gə go dəji lə-si ɗaa m-a ce dɔ-si gə.

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.