Ephésiendjé 6:18 - Mbede Lə Luba Kone Gə Sigi

¹⁸ ꞌDəjije Luba gə dɔ karje tɔ̰y ɗəw njil gə gə pa dəji gə gə lo-e lo-e ꞌɗaje ne kɔgərɔ. Bənəng ɗaa, undaje kəm karə dɔ rɔ-si gə, ḭya̰je rɔ-si yag ja ꞌtugaje ne njoro lo dəji Luba gə mba njerɔsangəje tɔ̰y;

Testament ke Siki 1960 (Kabba Laka)

¹⁸ Edoudjidjé Allah ke ndò toï mè Ndil té, ke doudjou Allah ke koi nya, ngemidjé deoè ke mè ke ïya ndò kada ang, ke edoudjidjé Allah mbata ndjè ko mè tédjé toï.

Ephésiendjé 6:18 ပူးပေါင်းရင်းမြစ်များ

Matiye 17:21

Ngaa njil gə kṵra̰y gə be le a ce ɗəw gə lə dəji gə ɗəw tɔl mə ɓo.

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Marəke 13:33

Undaje kəm karə dɔ rɔ-si gə, ꞌɔgəje kəm-si ɓi ɓo ꞌdəjije Luba, mba ꞌgərəje ndɔ gə dɔ kar-ɛ a kasə ne ang.

Marəke 14:38

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang, kəji lə-si a njigi to njang ja ngaa darɔ mbɔr-ɛ gə mbɔr-ɛ.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Lugu 22:46

N-pa n-ar-je na: ꞌCibije mba ɗi wa? Ḭje taar ɓo ꞌdəjije Luba mba kar-si osoje dan nenaje gə ang.

Lugu 3:26

gə to ngon lə Maad, gə to ngon lə Matatiyas, gə to ngon lə Semeyin, gə to ngon lə Yoseh, gə to ngon lə Yoda,

Lugu 3:37

gə to ngon lə Matusalɛm, gə to ngon lə Enɔgə, gə to ngon lə Yerəd, gə to ngon lə Maleyəl, gə to ngon lə Kenam,

Koula 1:14

ꞌJejee nee tɔ̰y, d-uwa dɔ naa taar-taar ꞌdəji Luba gə mə kara, d-uwa dɔ naa gə jeneje gə kɛm, gə Məri gə ko̰ Jeju-je ngaɓa gə ngan ko̰ Jeju.

Koula 10:2

Dəw nee le ila kuji dɔ ne gə lə Luba ngaɓa gə njeməkəyje lə-a tɔ̰y ꞌɓəəl Luba nəm, gə n-la gə dəw mə ɓeje ya̰ nəm ngaɓa n-aw dəji Luba gə dɔ karje tɔ̰y.

Koula 12:5

Piyɛr le ꞌngəm-e kəy kula gə ngaa Mbo̰ naa lə njetakagəje kara d-uwa gədərə gə dəji Luba mba tar lə-a tɔ.

Koula 6:4

Be ɓa sijee ɗaa, j-a kore kəm-si dɔ dəji Luba gə, gə dɔ kula pa tar gə lə-a.

Romaindjé 12:12

ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

Romaindjé 8:15

Ngaɓa sisəy le ingaje njil gə uwa-si gə ɓərə ɓa a ɓəəlje gə ɓəəl ja jaga-jaga ang, ngaa ingaje Njil gə təl-si gə ngan lə Luba, gə ɗəw gə lə-a ɓa j-uru ne ꞌkuwi na: Aba! Bɔy!

Galatedjé 4:6

Ne gə tɔji to gə ꞌtoje nganje lə Luba le ɓa nee, Luba ula Njil Ngon-e mə-si gə. Njil ɓar ne wəəl na: Aba! Bɔy!

Ephésiendjé 1:16

m-əw rɔ-m ɗa oyo Luba mba-si ang: dəjije lə-m gə m-aw m-dəji Luba le, m-ila ri-si kəne taar-taar,

Ephésiendjé 2:22

Ɗəw gə lə Jeju le ja tɔ ɓa, sisəy kara, d-unda si ne naa gə kara baa gə kəy mba kar-si ꞌtoje ne gə kəy kisi Luba ɗəw Njil gə tɔ.

Ephésiendjé 3:18

Be ɓa a kasə gərəje, naa gə kara baa gə njerɔsangəje tɔ̰y, se njigi le, tad-ɛ, gə ngal-ɛ, gə kuru lə-a, gə ndə̰w̰ lə-a, unda rɔ-ɛ to gə ban wa?

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Ephésiendjé 6:19

ngaɓa mba ꞌma gə mba kar lo gə ɓo m-cɛ̰ ta-m ja̰ nama Luba um tar lə-a kəne ar-m m-pa gə ɓəəl ang m-ar dəwje ꞌgərə ne ne gə to lo kiya-a gə ɔji dɔ Tar gə May.

Philippiendjé 1:4

Taar-taar ja ɓo m-aw m-dəji Luba mba-si tɔ̰y nama, m-dəji gə rɔləl,

Philippiendjé 4:6

ꞌNoje rɔ-si ɔji dɔ ne kara ang; ngaa dan neje gə tɔ̰y nama ꞌpaje ar-je Luba gə dəji, ꞌɗaje ne ndoo no-ɛ gə, ar-ɛje ne oyo.

Colossiendjé 1:3

J-a ɗa oyo Luba gə Bɔ Mbayɓe-je lə-si Jeju Kirisi ngaɓa j-a dəji-e ngɔɔgɔ-ngɔɔgɔ mba sisəy;

Colossiendjé 1:4

Logə tar ta gə ꞌtaje kagə Kirisi Jeju ngaɓa njigi gə ꞌnjigije njerɔsangəje tɔ̰y oso mbi-sijee gə,

Colossiendjé 4:2

Uwaje dəji Luba gədərə, oreje kəm-si ndəng kəne ꞌɗaje ne oyo.

1 Thessaloniciendjé 5:17

Əwje rɔ-si dəji Luba ang

1 Timoce 2:1

Dɔngɔr kede ɗaa, m-dəji neje gə nee: may kar ꞌdəjije Luba, ꞌpaje sə-a tar, ꞌɗaje ndoo rɔ-ɛ gə nəm, ngaɓa ꞌɗaje oyo Luba mba dəwje tɔ̰y,

2 Timoce 1:3

M-təl gə oyo m-ar Luba gə m-pol-e gə kəji gə arə ngadə to to gə ka-mje gə kede le, ngaɓa logə m-aw m-dəji Luba taar-taar ja nama m-ila ri kəne, cil gə kar;

Pilimo 1:5

mba m-o tar njigi gə takagə lə-i gə ɔji dɔ Mbayɓe Jeju ngaɓa ɔji dɔ njerɔsangəje tɔ̰y.

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

Jude 1:20

Ngaa sisəy gə m-njigi-si ya̰ le, ꞌtɔsəje kəm-si dɔ takagə lə-si gə to losang-ɛ. ꞌDəjije Luba ɗəw gə lə Njil Njerɔsangə.