Ephésiendjé 6:11 - Mbede Lə Luba Kone Gə Sigi

¹¹ Umje neɗɔje lə Luba tɔ̰y rɔ-si gə mba kar-si asə kar-je ne gədərə ta gusuje gə lə ꞌSɛ̰ngərɛ̰.

Testament ke Siki 1960 (Kabba Laka)

¹¹ Oulaidjé né doo lo Allah toï, baa ta kare asidjé karr ngeng ta kouta gousou lo Satan.

Ephésiendjé 6:11 ပူးပေါင်းရင်းမြစ်များ

Marəke 13:22

Mba kirisije gə gə mbɔr-ɛ baa gə pajambərəje gə gə mbɔr-ɛ baa d-a ɗe ɗa netɔjije gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə ꞌmbərə-je.

Romaindjé 13:12

Londul aw nday ngaa, ɗaa lo aw arə tɔ. May kar j-a tɔrje neje gə londul gə rɔ-si gə gə gugu ɗaa j-odoje ne ɗɔje gə kar ɗɔ ne dan kara j-um-je rɔ-si gə.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

1 Corinthiendjé 10:13

Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

2 Corinthiendjé 10:4

Mba ne ɗɔje gə j-aw ɗɔ ne le, ngira-a ḭ darɔ gə ang, ngaa to neɗɔje gə singamong-e ḭ rɔ Luba gə mba tuji ne tɔ̰y gə ila sə-a karəw, sijee ja tuji kəji tarje gə baa pugudu.

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 2:11

mba kar ꞌSu uba singa dɔ sijee gə ang, sijee le ja gərə kula ɗ-ɛ som.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 6:7

ɗəw pa tar gə tɔgərɔ, ɗəw singamongə gə lə Luba, ɗəw ne ɗɔje lə neɗa gə dana gadə gə kar kila ɗɔ ose kar ta ɗɔ gə,

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Ephésiendjé 4:24

ɗaa unje darɔ gə sigi gə Luba unda-a ɗəw neɗa gə dana gadə, gə ɗəw nesangə gə to gə kandə tar gə tɔgərɔ le ula-aje rɔ-si gə.

Ephésiendjé 6:13

Gəl-e gə nee ɓa, umje neɗɔje lə Luba tɔ̰y rɔ-si gə mba kasə dum ne dɔ lo dɔ ndɔ gə kṵra̰y gə, ngaɓa, lo gə sisəy ꞌgɔlje dɔ gɔl neje tɔ̰y ɗaa, mba kuwa ne gədərə tɔ.

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

1 Thessaloniciendjé 5:8

Ngaa sijee gə ja to nje nja dan kara-je le, j-undaje kəm karə dɔ rɔ-si gə: J-ulaje kubu ɗɔ gə ngira king-king kar takagə, gə kar njigi ngaɓa jɔgə kar kunda mə lə kaji.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Jacques 4:7

Be ɗaa, osoje kul no Luba gə; ar-je gədərə no ꞌsɛ̰ngərɛ̰ gə ɗaa n-a ka̰y kaw əw kḭya̰-si.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.

Apocalypse 2:24

Kar-sisəy ɗaa, m-pa m-ar nje gə kɛm gə d-isi Tiyatir. Nje gə tɔ̰y gə ꞌta tar sula lə-a ꞌne gə Jejabɛl nee ang nəm, ngaɓa d-ula rɔ-je bababa dan negərə gə lə ꞌSu ang, to gə ꞌpa ne tar-ɛ le: ꞌMa m-unda nekodo gə uway gə ɗangə dɔ-si gə ang.