Ephésiendjé 5:3 - Mbede Lə Luba Kone Gə Sigi

³ May kar kaya, gə wə̰rə̰ kaya gə neje tɔ̰y gə ɔji dɔ-ɛ, ose ɓo lar ɓar ri-si kara be ang; neje ne le uwa ba-ɛ gə njerɔsangəje ang baa;

Testament ke Siki 1960 (Kabba Laka)

³ Ase kare tar loou to madjang, ke tar né ke madjang toï, aséh tar mè toï téh tasè té horosè té kada ang, tokou né ke ase ndjè ko mè tédjé.

Ephésiendjé 5:3 ပူးပေါင်းရင်းမြစ်များ

Matiye 15:19

Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.

Lugu 12:15

ꞌNgom-je rɔ-si dɔ mal nekinga gə, mba təbə lə dəw to ɔji dɔ neje gə inga ang baa.

Lugu 16:14

Parijiyɛ̰je gə ꞌnjigi lar ya̰ le, d-o neje ne tɔ̰y ɗaa d-unda Jeju ꞌkogo-e.

Koula 15:20

Ngaa kəm ɗa mbede ndəji-je ne kar d-a rɔ-je dɔ neje gə uwa yoro gə: magəje, gə kaya, gə daje gə ꞌmundu-je ꞌtɔl-je gə kusa məsə.

Koula 20:33

M-ɗa ɓo lar ose maa ose kubu lə dəw ang.

Romaindjé 1:29

neɗaje gə dɔ buguru dang-dang ja ɗusu mə-je njḭ, məndul, ɓo lar, ɗa məyɛr, mal neje ɗusu mə-je, tɔl naa, tɔsə tar, kərə naa, məngo̰y; tuji riɓar lə naa,

Romaindjé 16:2

mba kar uwa-aje gə rɔ-si gə maj-ɛ gə ri Mbayɓe gə pa kuwa gə asə kuwa ne mba njerɔsangəje, ngaɓa may kar-si ꞌlaje sə-a ar-je ninga ne tɔ̰y gə n-aw ndoo-e, mba ꞌne ja kara n-la gə dəwje bula, ngaɓa ꞌma ja kara n-la sə-m nəm.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

1 Corinthiendjé 10:8

J-unje rɔ-si j-a ɗaje ne kaya to to gə nje gə kɛm horo-je gə kede d-un rɔ-je ꞌɗa ne ɓa dəwje tɔl-tɔl dɔg lo dɔg joo gə gir-je gə tɔl-tɔl dɔg lo munda d-uy ndɔ kara baa be.

1 Corinthiendjé 5:1

Tar kaya gə to horo-si gə le, ꞌpa tar-ɛ gə lo tɔ̰y, mba to kaya gə dəwje gə ꞌgərə Luba ang ja kara d-asə ɗa ndɔ kara ang; ꞌpa tar-ɛ to gə dəw kara horo-si gə to gə jene lə bɔ-ɛje.

1 Corinthiendjé 6:13

Nekusa to mba mə dəw, to to gə mə dəw kara to mba nekusa tɔ; ngaa Luba a tuji-je joo kɛm. Ngaa darɔ dəw to kar kun ɗa ne kaya ang; darɔ to kar Mbayɓe, to to gə Mbayɓe kara to kar darɔ tɔ.

1 Corinthiendjé 6:18

A̰yje kaya gə ka̰y. Neɗa gə kṵra̰y gə ɗa-ɗa gə dəw ɗa le, ɗa darɔ-ɛ gə ɗaga nee baa, ngaa dəw gə un rɔ-ɛ ɗa ne kaya nama ɗa kṵra̰y gə darɔ-ɛ ye ja.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Ephésiendjé 5:12

Mba neje tɔ̰y gə dəwje ꞌɗa lokiya gə le, pa tar-ɛ kara to gə ne rɔ kul baa.

Ephésiendjé 5:5

Mba, may kar ꞌgərəje gə maj-ɛ, njekaya gə ɗa-ɗa ose njewə̰rə̰ kaya ose ɓərə lə ɓo neje, gə to gə nje polo magə le, nenduba lə-a godo mə ɓeko̰ gə lə Kirisi je gə Luba.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

1 Thessaloniciendjé 4:3

Ne gə Luba njigi le, to sangə rɔ lə-si, kar ɔsəje kaya ngərəng,

1 Thessaloniciendjé 4:7

Mba Luba ɓar-si mba kar j-a to dəwje gə mina ang ngaa kar j-a to gə losang-ɛ.

1 Timoce 2:10

Ngaa d-a tɔji mandə lə-je gə go ɗəw kula ɗa-je gə gə maj-ɛ. Ye ɓa to gə ndu kun lə jeneje gə d-ila kuji dɔ Luba gə.

1 Timoce 3:3

N-a to ɓərə lə kodo ang, n-a to nje tɔsə tar ang, ngaa n-a to dəw gə kul lom ngaɓa n-a to dəw nuji, n-a to dəw gə ɓo lar a ɗ-ɛ ang.

1 Timoce 6:10

Gəl-e gə nee ɓa, ngira ne gə kṵra̰y tɔ̰y to njigi lar, dəwje bula gə d-un rɔ-je d-ila kəne le, ꞌtusu takagə lə-je d-ḭya̰ ngaɓa d-oso dan tuji gə badagə tɔ.

2 Timoce 3:2

Mba dəwje d-a njigi darɔ-je ɓa ya̰, ngaɓa d-a njigi lar ya̰, d-a to gə nje kɔsə rɔ-jeje, njekunda kar-jeje, njetaji Lubaje, d-a mbadə koso kul no njekuji-sijee gə, d-a kar oyo ang, d-a ɓəəl ne lə Luba ang,

Tite 1:11

Be ɓa may kar ɔgə-je lo-e. ꞌTuji-je takagə lə njenujije gə mə kəy kəy gə neje gə kəm tɔji ang ja mba kinga ne ne dɔ ji gə to ne rɔ kul.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Tite 2:3

ꞌPa ar jeneje gə tɔgə ɗəw kara baa mba kar pa nja-je to gə maj-ɛ, kar ꞌtura tar gə kṵra̰y dɔ ngan marəje-je gə baa ang, gə to ɓərəje lə kodo ang nəm, ngaa kar ꞌtɔji neɗa-je gə may ɓa gə ɗaga,

Ebərəje 12:16

Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

1 Piyɛr 5:2

Kuduɓe badəmje gə Luba um-je ji-si gə le, uulje-je gə mə njigi lə-si gə go ndu Luba, ɓo gə singa ang nəm, ɓa mba nekuga gə dɔ buguru ang nəm, ngaa ꞌɗaje gə go njigi.

2 Piyɛr 2:10

ꞌJejee gə gə go mal neje gə mina, ꞌsangə ne go rɔləl gə darɔ gə ɗaa ꞌdabə ne singamongə lə Mbayɓe dasəra ja ɓa a kədərə gə je. ꞌTo nje mə bo nekusaje, nje gasəraje, ꞌɓəəl taji nekundaje gə dara gə riɓar to dɔ-je gə ang,

2 Piyɛr 2:14

Kəm-je to kəm sangə jeneje dɔro ngaɓa d-ɔr kəm neɗa gə kṵra̰y ang, d-ərə dəwje gə njeməmbɔrɛje ngaɓa kəm kə̰y kinga ne ɓa uwa mə-je; ꞌjejee nee le ꞌto nganje gə ndɔɔl uwa dɔ-je.

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

Apocalypse 2:14

Ngaa, neje gə kɛm ɗaa, m-ila ne tar dɔ-i gə. Nje gə naaje ꞌga̰ mə kəy gə lə-i nee, gə cḭya̰ dɔ netɔji gə lə Balam gə ɔsə kudu Balak ar-ɛ iya kula uba ne ngan Ijirayɛlje mba kar-je d-usa da gə ꞌpolo ne d-ar magəje ꞌto ne njekayaje.

Apocalypse 2:21

M-ḭya̰ dɔ kar m-ar-ɛ mba kar n-mbəl kəji lə-a dɔ kaya gə lə-a, ɗaa n-njigi mba mbəl kəji lə-a dɔ kaya gə lə-a ang.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.

Apocalypse 9:21

ꞌTuru kəji lə-je dɔ tɔl dəwje gə lə-je ang nəm, dɔ ɗa mbɛ̰je gə lə-je ang nəm, dɔ kayaje gə lə-je ang nəm, dɔ ɓogoje gə lə-je ang nəm tɔ.