Ephésiendjé 5:26 - Mbede Lə Luba Kone Gə Sigi

²⁶ n-tog-e ne gə man gə to gə tar, mba kunda-a gə losang-ɛ

Testament ke Siki 1960 (Kabba Laka)

²⁶ Baa ta kare nè narè ntéh gaté gaté, gè té ke nè ntokè ke man deo tar té ndja.

Ephésiendjé 5:26 ပူးပေါင်းရင်းမြစ်များ

Jean 13:10

Jeju pa ar-ɛ na: Dəw gə ndogo man ɗɔdə le, aw ndoo gə mba kar ndog-e man ang ngaa ɗaa gɔl-ɛ baa ngaɓa kəm togo: rɔ-ɛ arə tɔ̰y nam; ngaa sisəy le, ar-je ngadə, ngaa sisəy tɔ̰y ang baa.

Jean 15:3

Sisəy le, ar-je ngadə nam, mba tar gə m-pa m-ar-si.

Jean 15:8

Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

Jean 17:7

Ɓisine ɗaa ꞌjejee ꞌgərə to gə ne tɔ̰y gə ꞌI ar-m le ḭ rɔ-i gə,

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 22:16

Ngaa ɓisine ꞌngə̰y mba ɗi cibi wa? Ḭ taar, ɓo ar ꞌɗa-i batɛm ngaɓa ꞌto go neɗaje gə kṵra̰y lə-i gə go ri-a gə a ɓar.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 10:8

Ngaa mbede le pa na ɗi wa? Tar le to sə-i əw ang, to ta-i gə ngaɓa to mə-i gə əng. Ye le ɓa to tar takagə gə sijee j-ila mbər-e.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

Ephésiendjé 6:17

unje jɔgə kaji ji-si gə naa gə kara baa gə kiya bayi lə Njil gə to gə tar lə Luba.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 4:12

Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Jacques 1:18

Mə njigi lə-a ɓa n-uji ne si gə go ɗəw tar gə tɔgərɔ, mba kar j-a to neje gə dɔngɔr horo nekundaje gə lə-a (dɔngɔr nekundaje gə Mbede pa le uji dɔ takagə Jeju ose Luba).

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.

2 Piyɛr 1:9

ngaa ɓo dəw gə neje nee le godo m-e gə nama to nje kəm tɔ, gə aw mam lo, ɗaa m-e unda pudum dɔ neɗaje gə kṵra̰y gə lə-a gə ləw gə ꞌtogo le.

1 Jean 5:6

To ꞌNe, Jeju Kirisi gə ɗe ɗəw gə lə man gə ɗəw gə lə məsə, n-ɗe gə man baa ang, ngaa n-ɗe gə man ngaɓa gə məsə; to Njil ja pa tar naj-ɛ, mba Njil to tar gə tɔgərɔ,

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.