Ephésiendjé 5:25 - Mbede Lə Luba Kone Gə Sigi

²⁵ Jingawje, na-na kara njigi jene lə-a to gə Kirisi njigi ne mbo̰ naa lə njetakagəje ɓa, ye ja gə dɔ-ɛ, un rɔ-ɛ ar mba tar lə-a,

Testament ke Siki 1960 (Kabba Laka)

²⁵ Dingaodjé ndikidjé dènèdjé losè, deo kadaba tokou Christ ndiki kei Allah, ke are rè ndja mbata kei Allah.

Ephésiendjé 5:25 ပူးပေါင်းရင်းမြစ်များ

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 5:24

Ngaa, to gə Mbo̰ naa lə njetakagəje oso ne kul no Kirisi gə le, jeneje kara, may kar d-oso kul no ngaw-jeje gə ɔji dɔ ne tɔ̰y tɔ.

Ephésiendjé 5:28

Be ɓa, jingawje kara, may kar ꞌnjigi jeneje lə-je to gə darɔ-je be ja tɔ. Dəw gə njigi jene lə-a nama, darɔ-ɛ ye ja njigi kən.

Ephésiendjé 5:33

Ban-ban ja kara, kara kara lə-si tɔ̰y le, na-na ja kara ye gə ɔji dɔ-ɛ le, may kar njigi jene lə-a to gə darɔ-ɛ ye ja be, ngaɓa kar jene kara ila kuji dɔ ngab-ɛje gə tɔ.

Colossiendjé 3:19

Jingawje, na-na kara njigi jene lə-a ngaɓa ar-je rɔ-si adə-si dɔ-je ang.

1 Timoce 2:6

gə iya̰ rɔ-ɛ to nekuga dɔ dəwje. Ye ɓa to tar naji gə Luba tɔji dɔ kar gə Luba ɔji.

1 Piyɛr 3:7

Ɗəw kara baa, sisəy ngaw jeneje kara, may kar na-na gə isi gə jene lə-a nama may kar-ɛ gərə to gə jeneje le darɔ-je mbɔr-ɛ unda-si. May kar ꞌɗɔyje-je mba d-inga gə si təbə naa gə kara baa ɗəw mənuji gə, be ɓa mba kar ne kara kara ɗe bəngərə̰ no dəji Luba lə-si ang.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.