Ephésiendjé 5:20 - Mbede Lə Luba Kone Gə Sigi

²⁰ Ɔji dɔ ne gə ɗa-ɗa kara, ꞌɗaje oyo Luba gə Bɔ dəwje gə dɔ kar tɔ̰y, gə ri Mbayɓe lə-sijee Jeju Kirisi.

Testament ke Siki 1960 (Kabba Laka)

²⁰ Edaidjé woio mbata né toï, ndò toï, are Allah Bòdjèdjè ke ri Mbaibé lodjè Jésus Christ.

Ephésiendjé 5:20 ပူးပေါင်းရင်းမြစ်များ

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

Romaindjé 1:8

Kede nam ɗaa m-ɗa Luba lə-m oyo mba sisəy tɔ̰y, gə ri Jeju Kirisi mba ꞌpa tar takagə lə-sisəy gə dɔ nangə nee ja tɔ̰y.

1 Corinthiendjé 1:4

M-ɗa Luba lə-m oyo taar-taar ɔji dɔ-si mba mənuji lə-a gə ingaje ɗəw lə Kirisi Jeju;

1 Corinthiendjé 15:24

Go-e gə, gə a to ɗud-e ɗaa, logə n-a tuji nje dum dɔ loje tɔ̰y, gə njeko̰ dɔ loje tɔ̰y ngaɓa singamongə tɔ̰y ɗaa, n-a təl gə ɓeko̰ kula ji-a ꞌne gə to Luba gə Bɔ dəwje.

Ephésiendjé 5:4

ngaɓa tar mbəje, gə tarje gə baa gə nangə əng, ose tar rɔ kulje le, ar-je ce ta-si gə ang; ngaa tarje tɔ̰y gə ce ta-si gə le, ꞌɗaje ne Luba oyo.

Philippiendjé 1:3

Logə mə-m ole dɔ-si taar ja nama m-ɗa Luba lə-m oyo;

Philippiendjé 4:6

ꞌNoje rɔ-si ɔji dɔ ne kara ang; ngaa dan neje gə tɔ̰y nama ꞌpaje ar-je Luba gə dəji, ꞌɗaje ne ndoo no-ɛ gə, ar-ɛje ne oyo.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

1 Thessaloniciendjé 3:9

Oyo gə ban ja ɓa j-a ɗa Luba mba tar lə-sisəy, ɔji dɔ rɔləlje tɔ̰y gə j-a ɗa mba tar lə-sisəy no-gɔl Luba gə wa?

1 Thessaloniciendjé 5:18

Dan neje gə tɔ̰y le, ꞌɗaje oyo; mba to gə mə njigi lə Luba gə ɔji dɔ-si ɗəw gə lə Kirisi Jeju.

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

2 Thessaloniciendjé 2:13

Sijee le ɗaa, may kar j-ar oyo Luba gə dɔ karje tɔ̰y ɔji dɔ sisəy, ngan ko̰-sijee gə Mbayɓe njigi-si. Mba Luba mbərə-si lo kun kudu neje gə ləw baa mba kar-si ingaje kaji gə go ɗəw Njil unda-si gə losang-ɛ nəm gə go takagə tar gə tɔgərɔ.

Ebərəje 13:15

Ɗəw gə lə-a ja j-a pidi ne Luba jaga-jaga gə nepolo, to tarje gə j-a pa gə ri-a.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.