Ephésiendjé 5:15 - Mbede Lə Luba Kone Gə Sigi

¹⁵ Be ɓa, undaje kəm karə dɔ pa nja-si gə gə maj-ɛ: ꞌnjaje ji mbəje ang, ngaa ji njekəmkarəje.

Testament ke Siki 1960 (Kabba Laka)

¹⁵ Tokou ban ngemidjé madji ndjaidjé tokou di wa, ndjaidjé tokou mbedjé ang, a tokou lo ndjè kemkarè.

Ephésiendjé 5:15 ပူးပေါင်းရင်းမြစ်များ

Matiye 10:16

Oje: M-ula-si to gə badəmje horo njagəmanjɛrje gə. Undaje kəm karə dɔ rɔ-si gə to to gə li be, ꞌkulje yururu to to gə dər kuul be.

Matiye 25:2

Nje gə mi horo-je gə ꞌto njekəm karəje, ɗaa kɛs-ɛje gə mi ꞌto mbəje baa.

Matiye 27:24

Logə Pilad o to gə n-asə ɗa ne kara ang, ngaɓa dəwje d-unda bula gə kede-kede kar ce wungu ɗaa, uba nangə ḭ taar, ta man, togo ne ji-a kəm dəwje gə tɔ̰y ja ngaɓa pa na: Tar məsə dəw gə gadə-gadə gə ar nee le uwa dɔ-m ang. Tar-ɛ uwa dɔ sisəy ja.

Matiye 27:4

n-pa ne tar na: Dəw gə tar uwa dɔ-ɛ ang ja m-un dɔ-ɛ m-ar d-um məs-e nangə, ɗaa m-ɗa neɗa gə kṵra̰y. ꞌTəl d-ila-a kəne na: A ɗi ɓa ɔsə-sije kəne wa? To tar lə-i ꞌi ja.

Matiye 8:4

Cibi ɓa Jeju təl pa ar-ɛ na: ꞌNgom ta-i, ɓo ꞌpa ar dəw ang, ɗaa ɔdə aw ar njekapolo o-i, ngaɓa aw un nepolo to gə Moyiji pa tar-ɛ mə mbede gə le, mba kar to tar naji ar-je ꞌgərə to gə rɔ-i arə ngadə.

Lugu 24:25

Ɗaa, Jeju pa ar-je na: Ɓəy! Sisəy ɛbɛ dəwje gə ꞌtoje gə dəwje gə mə-si kədərə, gə lo takagə neje tɔ̰y gə pajambərəje lə Luba ꞌpa le o̰ gə si ya̰!

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

Galatedjé 3:1

Əy! Sisəy dəwje gə dɔ nangə gə Galasi, ꞌtoje ɛbɛje! Ambala ɓa uwa-si wa? Sisəy gə d-ɔr gəl tar kuy lə Jeju Kirisi kagə dəsə arə ngadə d-ar-si.

Galatedjé 3:3

ꞌToje ɛbɛje bənəng to gə ban ɓa nee wa? Umaje kudu nja gə maj-ɛ ɗəw Njil gə cibi ngaa, a kaw tɔlje t-ɛ ɗəw darɔ gə wa?

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 5:33

Ban-ban ja kara, kara kara lə-si tɔ̰y le, na-na ja kara ye gə ɔji dɔ-ɛ le, may kar njigi jene lə-a to gə darɔ-ɛ ye ja be, ngaɓa kar jene kara ila kuji dɔ ngab-ɛje gə tɔ.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 4:5

ꞌNjaje horo nje gə ꞌgərə Kirisi ang ɓi le, gə kəm karə, ḭya̰je dɔ kar ar-ɛje nday baa ang.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

1 Timoce 6:9

Ngaa, dəwje gə nekinga asə-je ang le d-oso dan kərə gə, dan bandə gə ɓo neje dang-dang gə ɔsə dəwje um-je lo tuji gə.

Ebərəje 12:25

Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

Jacques 3:13

Na ɓa horo-si gə nee, to gə nje kəm karə ose to gə nje negərə wa? May kar, gə go pa nja lə-a gə may le, tɔji ne kula ɗ-ɛje gə ɗəw kaw yururu gə kəm karə lə-a gə ɗaga.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.