Ephésiendjé 4:5 - Mbede Lə Luba Kone Gə Sigi

⁵ Mbayɓe kara baa ɗəgədə, takagə kara baa ɗəgədə, batɛm kara baa ɗəgədə tɔ,

Testament ke Siki 1960 (Kabba Laka)

⁵ Mbaibé Seigneur to kadaba, ko mè té to kadaba, baptême to kadaba.

Ephésiendjé 4:5 ပူးပေါင်းရင်းမြစ်များ

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Romaindjé 3:30

mba Luba gə gə kar-ɛ baa ɗəgədə nee ja a ko nje gə unja bərəje gə dəwje gə gadə-gadə gə go takagə, ngaɓa nje gə unja bərəje ang kara n-a koje gə dəwje gadə-gadə gə go takagə tɔ.

1 Corinthiendjé 1:13

Ngaa se Kirisi le kay rɔ-ɛ dana wa? Se Pɔl ɓa ꞌɓər-e kagə dəsə gə mba tar lə-si ose, gə ri Pɔl ɓa ꞌɗa ne si batɛm wa?

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

1 Corinthiendjé 12:5

kulaje dang-dang, ngaa Mbayɓe kara ɗəgədə;

1 Corinthiendjé 8:6

be ja kara kar-sijee le, Luba kara baa ɗəgədə, Bɔ dəwje, gə neje tɔ̰y ḭ rɔ-ɛ gə ngaɓa j-a to njeka-ɛje, ngaɓa Mbayɓe kara baa, Jeju Kirisi gə ne tɔ̰y ɗe ɗəw gə lə-a ngaɓa mbɔr dɔ-ɛ ɓa j-aw ne kəm baa.

2 Corinthiendjé 11:4

Mba to gə ɓo dɔngɔr dəw ɗe ila mbərə lə Jeju gə to dang gə ye gə sijee j-ila mbər-e j-ar-sisəy, ose to gə ɓo ꞌtaje njil gə to dang gə ye gə ingaje kede, ose oje Tar gə May gə ɗangə oreje ne dɔ ꞌye gə oje kede nama nj-ɛ nee le ilaje kud-e gə ya̰ ja.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ephésiendjé 4:13

saar kar-sijee ja tɔ̰y, ja təl ja to ne gə dəwje gə kara baa ɗəw takagə gə, gə ɗəw gərə Ngon lə Luba gə, gə to ne gə dəw gə tɔgə asə naa gə lo kunda rɔ Kirisi gə may pɛdə.

Philippiendjé 2:11

ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Tite 1:4

Titə, ngon mə-m gə ɗəw takagə le-si naa gə kara baa: may kar Luba gə Bɔ je gə Jeju Kirisi gə njekaji-si d-ar-i mənuji gə ɗɛgɛgɛ.

Ebərəje 13:7

Ar-je mə-si ole dɔ njekɔr no-sijee gə ꞌpa tar lə Luba d-ar-si, ꞌtənje pa nja-je saar ce ne dɔ ndɔ yo-je gə ɗaa ꞌndəjije takagə lə-je.

Ebərəje 6:6

ɓa ꞌtəl d-oso le, ɗəw gə ɗangə gə d-a təl turu ne kəji lə-je to gə sigi le godo. Mba ꞌtəl ꞌɓərə ngon lə Luba kagə dəsə gə to gə sigi gə kar-jejee ja cibi ngaɓa d-unda-a gə ne taji gadəmagay gə.

Jacques 2:18

Ngaa dəw kara a pa na: ꞌI ꞌta kagə, ꞌma m-aw gə kula ɗa-m tɔ. ꞌTɔji-m takagə lə-i gə lal kul-ɛ ar-m m-o nama, ꞌma m-a tɔji-i kula ɗa-mje gə ɗəw takagə gə lə-m kar-i o tɔ.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

Jude 1:20

Ngaa sisəy gə m-njigi-si ya̰ le, ꞌtɔsəje kəm-si dɔ takagə lə-si gə to losang-ɛ. ꞌDəjije Luba ɗəw gə lə Njil Njerɔsangə.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.