Ephésiendjé 4:4 - Mbede Lə Luba Kone Gə Sigi

⁴ Darɔ kara baa ɗəgədə ngaɓa Njil kara baa ɗəgədə, to gə sisəy kara, ꞌɓar-si ɗəw ne kunda mə gə kara baa ɗəgədə gə ngira-a ḭ gəl ɓar gə lə-si le ja tɔ.

Testament ke Siki 1960 (Kabba Laka)

⁴ Da rò to kada ke Ndil to kada, deo kadaba tokou mmarsè ke mè ngebe té kadaba, deo bar té ke mmarsè.

Ephésiendjé 4:4 ပူးပေါင်းရင်းမြစ်များ

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Koula 15:11

Ngaa, gə go mənuji lə Mbayɓe Jeju ɓa j-o to gə j-aji ne le ja, ꞌjejee kara ɗəw kara baa to gə be tɔ.

Romaindjé 11:29

Mba nekarə baa lə Luba gə ɓar lə-a le tḭ ang.

1 Corinthiendjé 10:17

Mba mbə kara baa ɗəgədə, ɗaa sijee gə j-a bula le, j-a to darɔ gə kara baa ɗəgədə; mba mbə gə kara baa ja j-a kay naa tɔ̰y.

1 Corinthiendjé 12:20

Ɓisine ɗaa bar kəm rɔje bula ngaa darɔ kara baa ja.

2 Corinthiendjé 11:4

Mba to gə ɓo dɔngɔr dəw ɗe ila mbərə lə Jeju gə to dang gə ye gə sijee j-ila mbər-e j-ar-sisəy, ose to gə ɓo ꞌtaje njil gə to dang gə ye gə ingaje kede, ose oje Tar gə May gə ɗangə oreje ne dɔ ꞌye gə oje kede nama nj-ɛ nee le ilaje kud-e gə ya̰ ja.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 2:16

Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə.

Ephésiendjé 2:18

Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.

Ephésiendjé 2:22

Ɗəw gə lə Jeju le ja tɔ ɓa, sisəy kara, d-unda si ne naa gə kara baa gə kəy mba kar-si ꞌtoje ne gə kəy kisi Luba ɗəw Njil gə tɔ.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 5:30

mba sijee ja to gə bar kəm rɔ-ɛje.

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.