Ephésiendjé 4:31 - Mbede Lə Luba Kone Gə Sigi

³¹ May kar ꞌtɔrəje neje gə to nee le horo-si gə gə ɗangə: Rɔ kadə gə ɗa-ɗa, kəji lə daje, wungu, kunda ndu, pa gə naa ngaɓa məndul gə ɗa-ɗa kara nəm.

Testament ke Siki 1960 (Kabba Laka)

³¹ Ase kare mè katé käng toï, ke mè ke ö toï, ke ongou toï, ke kòl toï, ke né tadji toï ngoto horosè té ke mè madjang toï.

Ephésiendjé 4:31 ပူးပေါင်းရင်းမြစ်များ

Koula 21:30

Bangə ɓar gə mə ɓebo baa wu-wu ar dəw mə ɓeje d-ḭ gə lo-lo ꞌɗe ꞌmbo̰ naa. Be ɓa d-uwa Pɔl mə kəy gə lə Luba gə ꞌndɔr-ɛ ꞌce sə-a ɗaga ngaɓa d-uwa ta kəyje d-udu badə.

Romaindjé 3:14

Ta-je to yo kɔr ngaɓa ləl ang.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

1 Corinthiendjé 5:8

J-a ɗa-je nay le gə mbə gə ꞌɗa gə guway kodo gə ləw ang nəm, ɓa guway kodo məndul gə ɗa məyɛr ang nəm, ngaa j-a ɗaje gə mbə gə arə ngadə, gə tar gə tɔgərɔ gə guway kodo godo kəne.

2 Corinthiendjé 12:20

Mba m-ɓəəl mba kar logə m-ce ɓə lə-si nama, m-inga-si to gə m-njigi le ang baa, ngaɓa sisəy kara kar inga-mje to gə ꞌnjigije le ang tɔ; m-ɓəəl mba kar neje gə to nee a kḭ to: Mbadə tar ta naa gə, nər mə, wungu mbə, kəji mə bo, pa gə naa, pa tar gə to, kunda kar ngaɓa neje gə wɔr-wɔr.

Galatedjé 5:20

polo magəje, ɓar uma, njigi naa ang gə kɔrɔ, ko ta naa ang, nər mə, wungu mbə, kəji mə bo, tḭ naa, ngaɓa kay naa,

Ephésiendjé 4:22

may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu,

Ephésiendjé 4:25

Be ɓa may kar-si ɔsəje tar gə ɗəgərə ngərəng gə ɗangə, ɗaa na-na kara horo-si gə pa tar gə tɔgərɔ ɓa ar ngon ko̰-ɛ̰; mba ja toje bar kəm rɔ naa yo gə nee.

Ephésiendjé 4:26

To gə ɓo wungu ɗa si nama, ꞌɗaje neɗa gə kṵra̰y ang. Ar-je kar andə dɔ wungu gə lə-si ang;

Colossiendjé 3:19

Jingawje, na-na kara njigi jene lə-a ngaɓa ar-je rɔ-si adə-si dɔ-je ang.

Colossiendjé 3:8

Ngaa ɓisine ɗaa, sisəy le, may kar ꞌtɔrəje neje tɔ̰y gə to nee le horo-si gə gə ɗangə: wungu, kəji lə daje, məndul, pa gə naa, gə tarje gə ngabula gə aw ce ta-si gə.

1 Timoce 3:11

Ɗəw kara baa, jeneje kara d-a to dəwje gə d-a kila ngon kuji dɔ-je gə, d-a to nje kunda tarje ang, d-a ɗa mə bo nekusa ang, d-a to dəwje gə kula ɗa-je a to dana gadə-gadə.

1 Timoce 3:3

N-a to ɓərə lə kodo ang, n-a to nje tɔsə tar ang, ngaa n-a to dəw gə kul lom ngaɓa n-a to dəw nuji, n-a to dəw gə ɓo lar a ɗ-ɛ ang.

1 Timoce 5:13

Ye gə ɗangə ja cibi ɓa nee, ꞌtoje gə njedabəje baa, ndoje ɗəw nja gə ta kəy kəy, ngaɓa to njetaɓarje baa ang ne, to njeɗəgərəje nəm, cibi d-ula rɔ-je mə ne gə ɔsə-je kəne ang tɔ. Jene ndubaje gə ꞌto njedabəje nee le pa tar ne gə asə kəm pa ang baa.

2 Timoce 2:23

Ɔsə tar ma̰y mbə rəw gə ɗangə, mba ꞌgərə to gə tar ma̰y mbə ce ɓɛlɛ gə ce.

2 Timoce 3:3

d-a to njeməngo̰yje, d-a to nje kunda tarje, d-a to nje pa gə ngan marəje-je, d-a to nje gə kəm karə lal-je, d-a kaw gə kəji lə daje, d-a to njeba̰a̰je lə ne gə may,

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Tite 2:3

ꞌPa ar jeneje gə tɔgə ɗəw kara baa mba kar pa nja-je to gə maj-ɛ, kar ꞌtura tar gə kṵra̰y dɔ ngan marəje-je gə baa ang, gə to ɓərəje lə kodo ang nəm, ngaa kar ꞌtɔji neɗa-je gə may ɓa gə ɗaga,

Jacques 1:19

Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Jacques 3:14

Ngaa to gə ɓo nər mə gə ɗa mə bo ɗusu dɔ ɓəngərə si nama, ɔsəje gaji rɔ-si ang nəm ꞌgangəje tar gə ɗəgərə ꞌtilaje ne kəm tar gə tɔgərɔ ang.

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

1 Piyɛr 2:1

Ne ja gə ne gə kṵra̰y nama ɔsə-je ngərəng, ngaɓa kərə dəw, tar mula, ɗa mal ne gə pa tarje gə kṵra̰y dɔ dəw gə.

1 Jean 3:12

ɓo j-a ɗaje neɗa lə Ka̰yi gə to nje kar Njeməkṵra̰y gə tɔl ngon ko̰-ɛ ang. Ɗaa n-tɔl-ɛ mba ɗi ɓa wa? N-tɔl-ɛ mba kula ɗaje lə-a ꞌne gə kṵra̰y, ɗaa kar ngon ko̰-ɛ ɓa to gadə-gadə.

1 Jean 3:15

Dəw gə ɗa-ɗa gə njigi ngon ko̰-ɛ ang gə kɔrɔ to dəw gə nje tɔl dəw, ngaɓa sisəy ꞌgərəje som to gə dəw gə nje tɔl dəw le inga təbə gə, gə ndɔ gə ndɔ ang.

Apocalypse 12:10

Ngaɓa m-o ndu gə boy ɓar mə dara gə na: Ɓisine ɗaa to dɔ kar kaji, gə singamongə, gə ɓeko̰ lə Luba lə-si asə ngaa, ngaɓa gə singa ko̰ dɔ neje lə Kirisi lə-a tɔ. Mba njekila tar dɔ ngan ko̰-sijee gə le, ye gə ila tar dɔ-je gə no gɔl Luba gə lə-sijee dan kara gə lo ndul gə le d-ɔs-ɛ d-ila-a nangə.