Ephésiendjé 4:28 - Mbede Lə Luba Kone Gə Sigi

²⁸ Dəw gə kede to gə nje ɓogo nama, may kar ḭya̰ ɓogo lə-a gə no-ɛ ngaa; ɗaa may kar ula rɔ-ɛ ndubu ɗa kula gə ji-a ye ja, gə kəji gə dana gadə mba kinga ne ne, la ne gə dəw gə ndoo ne to-e.

Testament ke Siki 1960 (Kabba Laka)

²⁸ Ase kare doou ke boukou, nè mmoukou marè ang, a ase kare nè nda ta da koula ke madji ke dja ndja, ban baa ta kare nè néh ke né ta kare dèdè ke né doudè.

Ephésiendjé 4:28 ပူးပေါင်းရင်းမြစ်များ

Lugu 19:8

Jase ar taar ɗaa, pa ar Mbayɓe na: O! Mbayɓe, m-a kar njendooje dəbə nekingaje lə-m tɔ̰y, ngaɓa, to gə ɓo m-ta ne lə dəw gə dɔ buguru nama, m-a kar-ɛ gɔl sɔɔ dɔ mar-ɛ gə.

Lugu 3:8

ꞌƊaje kulaje gə may-may ꞌtɔjije ne to gə ꞌturuje kəji lə-si tɔgərɔ ja. Ɓo əwje rɔ-si kunda mə-si na: Abəraham to bɔ-sijee! To gə be ɓa m-a kula-si to gə ərje gə to nee ja kara Luba asə mba təl-je gə nganje kar Abəraham

Jean 12:6

N-pa bənəng mba kəji gə n-əji dɔ njendooje gə to gə tɔgərɔ ang, ngaa mba n-to nje ɓogo, ngaɓa ɓɔl lar gə to ji-a gə le, n-ula ji-a n-un ne gə d-um kəne taar-taar tɔ.

Jean 13:29

Mba Judas to njengom ɓɔl le ɗaa, nje gə naaje dəji to gə Jeju pa ar-ɛ mba kar n-ndogo ne gə d-aw ndo-e mba ɗa ne nay ose gə mba kar n-ar njendooje ne.

Romaindjé 12:13

May kar-si ꞌlaje gə njerɔsangəje gə neje gə d-aw ndoo-e. May kar uwa-je mbaje gə kede-kede.

1 Corinthiendjé 4:12

J-ula rɔ-si ndubu j-a ɗa kula gə ji-si ja; ꞌtaji-si kara j-a tɔr ndu dɔ-je gə, d-ula kəm-si ndoo kara j-uwa gədərə;

2 Corinthiendjé 8:12

To gə ɓo dəw gə kəji lə-a to gə maj-ɛ, ɓa un ne gə ji-a gə ar nama, Luba ɓar Tar gə May dɔ-ɛ gə, ɓo ɔji dɔ ye gə godo ji-a gə ang baa.

2 Corinthiendjé 8:2

Dan nekəmandoo gə ce dɔ-je gə bula ja kara, rɔ-je ləl-je al dɔ lo, d-isi dan ndoo gə to ɓəəl ya̰ ja ne d-ore dɔ-ɛ nangə ꞌcɛ̰ mə ji-je d-un nekingaje lə-je d-ar al dɔ lo,

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!