Ephésiendjé 4:24 - Mbede Lə Luba Kone Gə Sigi

²⁴ ɗaa unje darɔ gə sigi gə Luba unda-a ɗəw neɗa gə dana gadə, gə ɗəw nesangə gə to gə kandə tar gə tɔgərɔ le ula-aje rɔ-si gə.

Testament ke Siki 1960 (Kabba Laka)

²⁴ Oulaidjé doou ke siki ke nda tokou lo Allah ke gaté gaté ke tar ke madji toï, ke dé deo té lo tar ke tokoro.

Ephésiendjé 4:24 ပူးပေါင်းရင်းမြစ်များ

Lugu 1:75

A to-je gə losang-ɛ ngaɓa a to-je dana gadə-gadə no-m gə gə ndɔje tɔ̰y gə a ɗa-je dɔ nangə nee.

Jean 17:17

Unda-je gə losang-ɛ gə ɗəw tar gə tɔgərɔ gə lə-i: Tar lə-i le to tar gə tɔgərɔ.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 13:12

Londul aw nday ngaa, ɗaa lo aw arə tɔ. May kar j-a tɔrje neje gə londul gə rɔ-si gə gə gugu ɗaa j-odoje ne ɗɔje gə kar ɗɔ ne dan kara j-um-je rɔ-si gə.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Romaindjé 6:4

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

Romaindjé 7:6

Ngaa, ɓisine ɗaa, dɔ sijee to doy no torondu gə, mba j-uy ɗəw gə lə ne gə uwa sijee ɓərə gə, mba kar j-a ɗa kula gə ji-a gə sigi gəl Njil gə ngaa ɓo gə ji-a gə ləw gəl torondu ang.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

1 Corinthiendjé 15:53

Mba darɔ gə ndum nee le, a kula darɔ gə ndum ang ja ɓa, ngaɓa darɔ nje kuy nee le, a kula ye gə nje kuy ang ja ɓa.

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

2 Corinthiendjé 4:16

Gəl-e nee ɓa, sijee j-ila kasə ang. Ngaa to gə ɓo da kasə rɔ-si gə ɗaga tuji kara, təbə gə to mə-si gə le a təl to sigi gə ndɔ gə ndɔ.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 3:27

sisəy tɔ̰y gə umje naa gə gə Kirisi ɗəw batɛm gə, ꞌtəlje taje ne naa gə Kirisi.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 2:15

n-tuji ne torondu, gə ndu kunje ngaɓa gə tarje gə ꞌtɔ dɔ-ɛ kəne pugudu, mba kar ɗəw gə lə-a ɗaa, gəl dəwje gə joo nee le ꞌtəl d-unda-je to gə sigi gə gəl dəwje gə kara baa, mba kar ɗɛgɛgɛ to ne.

Ephésiendjé 6:11

Umje neɗɔje lə Luba tɔ̰y rɔ-si gə mba kar-si asə kar-je ne gədərə ta gusuje gə lə ꞌSɛ̰ngərɛ̰.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 1:8

Ngaa kar ngon-e ɗaa n-pa na: Ngəndəng mbay lə-i, əy Luba, to saar gə no. Ngaɓa, Miya̰ ko̰ mbay lə-i kara o̰ ne ɓe gə dɔ gɔl-ɛ.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

1 Piyɛr 2:2

Ngaa ɗəw kara baa to gə ngan tayje ꞌnjigi ne mbaa be le, ar-je ɓo mbaa gə arə ngadə, gə to tar lə Luba ɔr-si, mba kar mbɔr dɔ-ɛ ɗaa ꞌtɔgəje ne ɓo ingaje ne kaji,

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba