Ephésiendjé 4:22 - Mbede Lə Luba Kone Gə Sigi

²² may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu,

Testament ke Siki 1960 (Kabba Laka)

²² Ïyaidjé ndja losè ke leo, doou ke leo ke toudjou deo boo kere té.

Ephésiendjé 4:22 ပူးပေါင်းရင်းမြစ်များ

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

Romaindjé 7:11

Mba neɗa gə kṵra̰y inga ɗəw ərə-m ne ɗəw gə lə ndu, ngaɓa ɗəw gə lə neɗa gə kṵra̰y ja m-inga ne yo.

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

Galatedjé 1:13

Be ɓa, sisəy oje tar pa nja-m gə ɔji dɔ nejiɓe lə Jiibije: m-ula kəm Mbo̰ naa lə njetakagəje lə Luba ndoo ya̰ ngaɓa m-njigi tuji-je ne pugudu.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Ephésiendjé 4:17

Tar gə m-pa gə ri Mbayɓe ɗaa m-təl m-pa ɓi le ɓa nee: Sisəy le ɗaa pa nja lə dəwje gə gərə Luba ang le, ꞌnjaje ang ja gə dɔbo̰ ngaa. ꞌJejee le, ꞌnja gə go tar kəji negərə lə-je gə d-aw ne dɔ mbə gə baa.

Ephésiendjé 4:25

Be ɓa may kar-si ɔsəje tar gə ɗəgərə ngərəng gə ɗangə, ɗaa na-na kara horo-si gə pa tar gə tɔgərɔ ɓa ar ngon ko̰-ɛ̰; mba ja toje bar kəm rɔ naa yo gə nee.

Ephésiendjé 4:31

May kar ꞌtɔrəje neje gə to nee le horo-si gə gə ɗangə: Rɔ kadə gə ɗa-ɗa, kəji lə daje, wungu, kunda ndu, pa gə naa ngaɓa məndul gə ɗa-ɗa kara nəm.

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Ebərəje 12:1

Be ɓa sijee kara, bula bo njetar najije gugu dɔ-si, ɗaa ar-si j-a ɗisije nekodo gə neɗa gə kṵra̰y gə dəbə-si guburu le, ɗaa j-uwaje gədərə dan nena gə to no-si gə,

Ebərəje 3:13

Ngaa ꞌndəjije naa gə ndɔ-ndɔ, saar kar ꞌpa na: Ɓogəne, mba kar mə dəw kara kara horo-si gə kədərə dɔ neɗa gə kṵra̰y gə ang.

Jacques 1:21

Gəl-e gə nee ɓa, to gə ɓo ɔsəje ne gə mina, gə neməyɛr gə al dɔ mar-ɛ ngərəng nam ɗaa, ꞌtaje tar gə a kasə kaji təbə lə-si, gə ꞌmaa dɔ ɓəngərə-si gə le gə mə kul yururu.

Jacques 1:26

To gə ɓo dəw o rɔ-ɛ gə njepolo ne, ɓa ɓo ngom t-ɛ ang nama, dəb-e nee le ərə rɔ-ɛ gə kərə baa. Nepolo lə dəw nee le to nepolo gə baa dɔro.

1 Piyɛr 1:18

ꞌGərəje to gə d-un neje gə a tuji, gə to lar ose maa ɓa ndogo-si ne ɗəw pa nja gə kṵra̰y gə, gə bɔ-sijee-je d-ḭya̰ gə nenduba d-ar-si le ang,

1 Piyɛr 4:3

Ɗa gə ꞌɗaje mə njigi lə nje gərə Luba ang je ləw baa le asə mbagə ja ngaa. Mba kede le, ꞌɗaje ne to to gə dəwje gə dɔ-je godo be, ɓo neje gə d-uwa-si ɓərə gə, kay kodo mbə, mbula nekusa mə-si gə, kuwa baa nekay mbə, ngaɓa polo magəje gə ngabula.

2 Piyɛr 2:13

d-a kinga kuga neɗa gə dɔ buguru. ꞌTɔl ta ɓo neje gə uwa-je ɓərə gə dan kara. ꞌƊa nerɔkul ngaɓa ꞌto gə jigi tuga gɔl, d-usa gə si ne naa gə gə rɔləl d-ərə ne kəm-si.

2 Piyɛr 2:7

ngaa to gə ɓo Lɔd gə to dəw gə gadə-gadə, gə kəji lə-a turu buguju dɔ pa nja gə kṵra̰y gə lə nje tɔl dəwje gə nee le, n-ɔr-ɛ n-ce sə-a