Ephésiendjé 4:21 - Mbede Lə Luba Kone Gə Sigi

²¹ ngaa to gə ɓo ꞌne ja to gə tɔgərɔ ɓa ꞌpa tar lə-a d-ar-si oje ose to gə ɓo ꞌne ja ɓa ꞌndo-si neje gə ɔji dɔ-ɛ ɗəw tar gə tɔgərɔ gə ḭ rɔ Jeju ɗaa:

Testament ke Siki 1960 (Kabba Laka)

²¹ Tokou sésè woidjé tar la ke ntòdjousè deo té la, tar ke tokoro ke to mè Jésus té.

Ephésiendjé 4:21 ပူးပေါင်းရင်းမြစ်များ

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Lugu 10:16

Jeju təl pa na: Dəw gə o tar lə-si nama, ꞌma ja nj-ɛ o tar ta-m gə əng; dəw gə mbadə si nama, ꞌma ja nj-ɛ mbadə-m, ngaɓa dəw gə mbadə-m nama, nj-ɛ mbadə dəw gə ula-m tɔ.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Romaindjé 10:14

Dəw gə ꞌta kag-ɛ ang ja baa d-a kila ndu-je nangə ɓar-ɛ ne to gə ban wa? Ngaɓa dəw gə ꞌpa tar lə-a d-ar-je ang ja baa, d-a ta kag-ɛ to gə ban wa? Ngaɓa nje pa tar-ɛ godo ngaa d-a ko to gə ban wa?

2 Corinthiendjé 1:20

Neje tɔ̰y gə Luba uwa dɔ gɔl-ɛ le to oyo ɗəw gə lə-a. Ngaɓa, ɗəw gə lə-a ɓa j-a ɗa ne Luba oyo j-ila ne riɓar dɔ-ɛ gə.

2 Corinthiendjé 11:10

Gə go ɗəw gə lə tar gə tɔgərɔ lə Kirisi gə to mə-m gə le ɗaa, m-pa gə ndu gə boy wəəl to gə mə dəbə ɓeko̰ gə Akayi tɔ̰y ja, dəw gə a kɔgə-m lo kɔsə rɔ lə-m nee le godo.

Ephésiendjé 1:13

Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Ephésiendjé 2:17

N-ɗe n-ila mbərə Tar gə May gə ɔji dɔ ɗɛgɛgɛ n-ar-sisəy gə isije əw, ngaɓa nje gə d-isi dəb kara nəm tɔ;

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.