Ephésiendjé 4:18 - Mbede Lə Luba Kone Gə Sigi

¹⁸ Tar kəji lə-je unja wərəng ang, ꞌto gə njembaaje gə ɔji dɔ kisi kəm baa gə ḭ rɔ Luba gə mba negərə ang lə-je gə məkədərə lə-je tɔ.

Testament ke Siki 1960 (Kabba Laka)

¹⁸ Gousou né geré lodè ndoul mbä, dooudjé ke éh ke tébe lo Allah ang, mbata né geré ang ke to mèdè té ke mbata deo ngeng lo mèdè.

Ephésiendjé 4:18 ပူးပေါင်းရင်းမြစ်များ

Matiye 13:15

Mba mə dəw mə ɓeje nee le təl kədərə D-udu mbi-je jigi, ngaɓa ꞌɓiri kəmje mbḭ, Na d-a kḭ ko gə kəm-je ngaɓa gə mbi-je, Mba gərə gəl-e dɔ ɓəngərə-je gə, Ɗaa d-a mbəl kəji lə-je mba kar m-aji-je ne .

Marəke 3:5

Be ɓa n-a-je lɛdɛdɛ gə wungu, ngaɓa m-e ləl-e ang mba məkədərə lə-je, ɗaa n-pa n-ar dəw le na: ꞌNduji ji-i. N-nduji ji-a, ɗaa ji-a le təl to gə maj-ɛ.

Jean 12:40

N-tɔ kəm-je sum-sum nəm Dɔ ɓəngərə-je kara n-ar kədərə kang-kang nəm Mba kar d-o lo gə kəm-je ang, Ngaɓa dɔ ɓəngərə-je kara gərə ne kara ang nəm tɔ, Na d-a kḭ mbəl mə-je ɗaa m-a kaji-je.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Koula 3:17

Ɓisine ɗaa ngan ko̰-mje, m-gərə to gə ne gə ꞌɗaje le to negərə ang ɓa o̰ dɔ si ɗəw kara to gə mbayje lə-si tɔ.

Romaindjé 1:28

Be ɓa, mba d-o-je to gə gərə Luba ang ɓa gə ne gə may le ɗaa, Luba ḭya̰-je dan tar kəji lə-je gə gə mbɔr-ɛ baa nee le, ar-je ꞌɗa ne neje gə kəm ɗa ang;

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

Romaindjé 11:7

Pa na ɗi wa? Ne gə Ijirayɛl sangə le inga ang, ngaa nje gə ꞌmbərə-je ɓa d-inga, nje gə kɛm d-isi gə məkədərə,

Romaindjé 2:19

ꞌi gə o rɔ-i gə njekila kagə ji nje kəm tɔje gə, gə lokarə lə nje gə d-isi dan cil ciməri gə,

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

1 Corinthiendjé 2:8

dəw kara horo mbayje gə lə njilje gə njeko̰ dɔ loje gə dɔ nangə nee kara ꞌgərə ang, mba to gə ɓo ꞌgərə nama d-a ɓərə Mbayɓe gə njerɔnduba kagə dəsə gə ang.

2 Corinthiendjé 3:14

Ngaa kəji negərə lə-je uy mbudugu, mba ꞌturaje mbede kone gə ləw ɗaa d-o to gə saar ɓisine ja kara, ta kubu gə nje kara ne le to baa ja dɔro ɓi, mba ta kubu nee le igi ɗəw kum naa gə lə Kirisi.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Galatedjé 4:8

Kede, logə ꞌgərəje Luba ang ɓi le, ꞌtoje ɓərəje lə njilje gə kṵra̰y gə to magə baa.

Ephésiendjé 2:1

Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si,

Ephésiendjé 2:12

sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ.

Colossiendjé 1:21

Sisəy kara, kede le ꞌtoje mbaje kəm Luba gə ngaɓa ꞌtoje njeba̰a̰je lə-a gə go kəjije lə-si, gə go kula ɗaje lə-si gə kṵra̰y,

1 Thessaloniciendjé 4:5

mba kar ḭya̰ ar ɓo gə darɔ gə o̰ dɔ-ɛ to to gə dəwje gə ꞌgərə Luba ang be ang,

Ebərəje 5:2

Mba ꞌne n-gərə ne gə ꞌɓar-e tɔgə godo le ɗaa, n-asə gərə tar lə nje gə ꞌɗa ne dɔ mbə gə njendəəmje gə maj-ɛ.

Ebərəje 9:7

Ngaa mə kəy kubu gə njekum gə joo gə to no ngɔ lo sangə le, buba njekapolo ja gə kar-e baa, ɓal kara nama andə kəne gɔl kara baa gə məsə gə ɔji dɔ-ɛ ye nəm ɓa mba neɗa gə kṵra̰y lə dəw mə ɓeje nəm tɔ.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 1:14

ꞌƊaje to gə nganje gə d-ila kuji, ɗaa ꞌnjaje gə go ɓo neje gə d-o̰ dɔ-si to gə kede ləw d-o̰ ne dɔ-si dɔ mbə gə le ang;

1 Jean 2:11

Ngaa dəw gə njigi ngon ko̰-ɛ ang gə kɔrɔ le to dəw gə isi cil ciməri gə, dəb-e nee le nja dan cil ciməri gə ngaɓa gərə logə aw gə kəne ang, mba cil ciməri təl-e gə dəw gə kəm-e tɔ.