Ephésiendjé 4:16 - Mbede Lə Luba Kone Gə Sigi

¹⁶ Ɗəw gə lə-a ꞌne, ngaɓa mbɔr dɔ lokurugo̰je tɔ̰y ɗaa, darɔ ja tɔ̰y nam ta naa gə to ne kara baa, ngaɓa mbara rɔ kara kara tɔ̰y ja ɗa kula ar darɔ le tɔgə ne dan njigi gə.

Testament ke Siki 1960 (Kabba Laka)

¹⁶ Nè ke nare rò toï, deo té lo mere rò toï ke to kendé ke mbona ke to naaté, tokou né toï da koula lodè madji, nda ta kare rò tokou ke ngeng mè ndiki té.

Ephésiendjé 4:16 ပူးပေါင်းရင်းမြစ်များ

Jean 15:5

M-to gə kagə bḭyə̰, sisəy ꞌtoje gə bar kəm kagə bḭyə̰: dəw gə to mə-m gə ɗəw kara baa to gə ꞌma m-to m-e gə ɗaa nj-ɛ nee le kand-e to ya̰. Mba, to gə ɓo ɔsəje rɔ-si ngərəng rɔ-m gə nama ne kara kara a kasə ɗaje ang tɔ.

Romaindjé 12:4

Mba ɗəw kara baa to gə darɔ-si kara baa ja ngaa bar kəm-eje bula, ngaɓa bar kəm rɔ-sijee nee le kula ɗa-je dang-dang,

1 Corinthiendjé 10:17

Mba mbə kara baa ɗəgədə, ɗaa sijee gə j-a bula le, j-a to darɔ gə kara baa ɗəgədə; mba mbə gə kara baa ja j-a kay naa tɔ̰y.

1 Corinthiendjé 13:13

Be ɓa ɓisine neje gə munda nee le ga̰: Takagə, kunda mə, njigi, ngaa ne gə to ɓəəl ya̰ ja to njigi.

1 Corinthiendjé 8:1

Ne gə ɔji dɔ da gə ꞌpolo ne magəje le, gərəje to gə tɔ̰y ja negərə lə-si ga̰. Negərə ɗa dəw gə nje kɔsə rɔ-ɛ ngaa njigi ula jingaw mə dəw gə.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Ephésiendjé 3:17

May kar Kirisi ɗa ɓe mə-si gə kəy kɔrɔgə ɗəw takagə gə, ngaɓa may kar njigi ula ngira-a mə-si gə pə̰y-pə̰y nəm, ar-je dan-ɛ gə dana badagə nəm tɔ.

Ephésiendjé 3:7

M-təl m-to ne gə nje kul-ɛ gə go mənuji lə Luba gə m-inga gə nekarə baa ɗəw singamongə gə lə-a.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:15

Tar gə tɔgərɔ gə ja pa gə ndu nuji le, ja tɔgə ne kang-kang ɔji dɔ neje tɔ̰y ɗəw gə lə Kirisi gə ye ja ɓa to gə dəw dɔ ne.

Philippiendjé 1:9

Ngaɓa m-dəji Luba mba kar njigi lə-si ɔsə dɔ mar-ɛ gə kede-kede, kar kəm-si unja ar ꞌgərəje ne ne gə may ngaɓa kar ɔrəje ne kəm ne gə may gə ne gə kṵra̰y.

Colossiendjé 2:19

ꞌJejee nee le, d-um naa gə gə Kirisi gə to dɔ dəw le ang. Mba Kirisi le to dɔ dəw gə darɔ gə ngira rɔje tɔ-ɛ ne naa gə lo kuru go̰je naa gə ɗaa Luba ɓa ar dəw tɔgə ne.

Colossiendjé 2:2

mba kar d-uba ne singa mə-je gə, kar kəji lə-je to ne kara baa dɔ njigi gə ngaɓa kar negərə ɗusu mə-je ar ꞌgərə ne ne lə Luba gə lo kiya-a gə, gə to Kirisi le,

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Jean 4:16

Cibi sijee le, j-a gərə njigi gə Luba njigi-si, j-a ta ne kag-ɛ. Luba to njigi; dəw gə njigi to m-e gə nama, um naa gə Luba, ngaɓa Luba kara isi m-e gə tɔ.