Ephésiendjé 4:13 - Mbede Lə Luba Kone Gə Sigi

¹³ saar kar-sijee ja tɔ̰y, ja təl ja to ne gə dəwje gə kara baa ɗəw takagə gə, gə ɗəw gərə Ngon lə Luba gə, gə to ne gə dəw gə tɔgə asə naa gə lo kunda rɔ Kirisi gə may pɛdə.

Testament ke Siki 1960 (Kabba Laka)

¹³ Sar djèdjè toï ndé naaté kadaba ke ko mè té, ke kemkarè lo Ngon lo Allah, ndé to dingaodjé ta tòkou asena ke né ke dousou Christ.

Ephésiendjé 4:13 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:16

Be ɓa, gə go nebaw lə-a gə unda kubu le, sijee tɔ̰y j-inga ne ne ji-a gə ngaɓa mənuji lə-a kara j-inga gə dɔ mar-ɛ gə dɔ mar-ɛ gə nəm tɔ;

Jean 16:3

D-a ɗa ne nee le to gə be mba ꞌgərə Bɔ dəwje ang nəm ꞌgərə-m ꞌma ang nəm tɔ.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 6:69

Sijee le, j-a ta kagə ngaɓa j-a gərə to gə ꞌI ja ꞌto Kirisi, Njerɔsangə lə Luba.

Koula 4:32

Dəwje bula gə ꞌta kagə le, kəji lə-je gə mə-je to kara baa. Dəw kara kara ɔr kəm nekinga lə-a ɓədə ang nəm, ngaa neje to kara baa horo-je gə.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

1 Corinthiendjé 2:6

Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

Galatedjé 4:19

Ngan-m, m-təl m-o ko̰ ne mba tar lə-si ja cibi, to gə jene gə ndo to-e be saar gə mba kar Kirisi ula ne ngira-a mə-si gə.

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

Ephésiendjé 1:23

gə to darɔ-ɛ, ꞌne gə n-to darɔ Luba ja dɔngɔ doy.

Ephésiendjé 2:15

n-tuji ne torondu, gə ndu kunje ngaɓa gə tarje gə ꞌtɔ dɔ-ɛ kəne pugudu, mba kar ɗəw gə lə-a ɗaa, gəl dəwje gə joo nee le ꞌtəl d-unda-je to gə sigi gə gəl dəwje gə kara baa, mba kar ɗɛgɛgɛ to ne.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:3

undaje ne singa-si dɔ mar-ɛ gə ar-je ne dɔ mə kara gə lə Njil gə go ɗɛgɛgɛ gə tɔ-si naa gə.

Ephésiendjé 4:5

Mbayɓe kara baa ɗəgədə, takagə kara baa ɗəgədə, batɛm kara baa ɗəgədə tɔ,

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

Colossiendjé 2:2

mba kar d-uba ne singa mə-je gə, kar kəji lə-je to ne kara baa dɔ njigi gə ngaɓa kar negərə ɗusu mə-je ar ꞌgərə ne ne lə Luba gə lo kiya-a gə, gə to Kirisi le,

Ebərəje 5:14

Ngaa dəw gə tɔgə nama nekusa tɔgə ja tɔ ɓa to ɔji dɔ-ɛ, mba n-gərə kɔr kəm ne gə kṵra̰y gə ne gə may.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.