Ephésiendjé 4:1 - Mbede Lə Luba Kone Gə Sigi

¹ M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Testament ke Siki 1960 (Kabba Laka)

¹ Tokou ban, ma ndjè kei koula mbata Mbaibé Seigneur, mam ndoudjousè ta ndja madji ase bar ke mmarsè kendé.

Ephésiendjé 4:1 ပူးပေါင်းရင်းမြစ်များ

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Romaindjé 11:29

Mba nekarə baa lə Luba gə ɓar lə-a le tḭ ang.

Romaindjé 12:1

Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

1 Corinthiendjé 4:16

Be ɓa m-ndəji sisəy m-pa na: ꞌNdajije kəm-m.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 4:12

Ngan ko̰-mje, kɔgərɔ ja, undaje rɔ-si to gə ꞌma be, mba ꞌma m-təl m-to to gə sisəy be tɔ. M-gərə to gə ꞌtujije mə-m ang baa.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 4:17

Tar gə m-pa gə ri Mbayɓe ɗaa m-təl m-pa ɓi le ɓa nee: Sisəy le ɗaa pa nja lə dəwje gə gərə Luba ang le, ꞌnjaje ang ja gə dɔbo̰ ngaa. ꞌJejee le, ꞌnja gə go tar kəji negərə lə-je gə d-aw ne dɔ mbə gə baa.

Ephésiendjé 4:4

Darɔ kara baa ɗəgədə ngaɓa Njil kara baa ɗəgədə, to gə sisəy kara, ꞌɓar-si ɗəw ne kunda mə gə kara baa ɗəgədə gə ngira-a ḭ gəl ɓar gə lə-si le ja tɔ.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 3:14

m-a̰y ngɔdə dɔ-m gə ne gə m-kuji gə, mba kinga nekuga dɔ ji ɓar gə Luba ɓar-m ɗəw gə lə Kirisi Jeju.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 2:6

Be ɓa mba ꞌtaje Kirisi Jeju gə Mbayɓe ɗaa may kar-si ꞌnjaje ɗəw gə lə-a,

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

2 Thessaloniciendjé 1:11

Gəl-e gə nee ɓa, ja dəji ne Luba taar-taar gə mba sisəy, mba kar Luba turu-si kar asə njaje gə go ɓar lə-a, ngaɓa gə go singamongə lə-a ɗaa, n-ar-si ꞌɗaje ne ne gə may tɔ̰y gə ꞌgɔlje mə-si gə mba ɗa nəm gə kula gə ɗəw takagə gə tɔ.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

2 Jean 1:5

Nembaje, ɓisine nee le, m-dəji-i kar j-a njigije naa gə yo gə nee, ɗaa to ndu gə sigi ang baa, ngaa to ye gə to ji-si gə lo kuma kud-e gə dɔngɔr.