Ephésiendjé 3:9 - Mbede Lə Luba Kone Gə Sigi

⁹ ngaɓa gə mba tɔji kar-ɛ arə ngadə, se to gə ban ɓa Luba gə njekunda ne tɔ̰y le, ɗa ne ne gə to lo kiya-a gə n-ngom m-e gə kede ləw baa le wa;

Testament ke Siki 1960 (Kabba Laka)

⁹ Ke ta kare dooudjé toï wo di a to gel tar ke yarè bal baya mè Allah té, nè ke nda né toï,

Ephésiendjé 3:9 ပူးပေါင်းရင်းမြစ်များ

Matiye 10:27

ngaɓa ne kara gə ꞌdəbə dɔ-ɛ gə d-a kḭya̰ dɔ-ɛ ngaw kar gadə gə ang le godo. Tar gə m-pa londul gə m-ar-si nama, ꞌpaje dan kara, ngaɓa ye gə m-wɛdə mbi-si gə nama, ubaje dɔ kəy ɓa ilaje ne mbərə.

Matiye 13:35

Mba kar tar gə pajambərə ila mbər-e le to ne lo-e gə: M-a pa gə je tar gə gusutar, M-a kila mbərə neje gə to lokiya gə logə Luba ɗa ne dara gə dɔ nangə .

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 10:30

ꞌMa je gə Bɔy j-a to gə kara baa.

Jean 5:17

Ngaa Jeju ila-je kəne na: Saar ɓisine, Bɔy ar ta kula gə ja ɓi, ngaɓa ꞌma kara m-ar ta kula ja ɓi tɔ.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Koula 15:18

Mbayɓe gərə neje nee le ləw-ləw baa.

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Ephésiendjé 3:2

Tɔgərɔ ja, mənuji lə Luba gə m-inga ɔji dɔ sisəy le, tar-ɛ oso mbi-si gə ja.

Ephésiendjé 6:19

ngaɓa mba ꞌma gə mba kar lo gə ɓo m-cɛ̰ ta-m ja̰ nama Luba um tar lə-a kəne ar-m m-pa gə ɓəəl ang m-ar dəwje ꞌgərə ne ne gə to lo kiya-a gə ɔji dɔ Tar gə May.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:26

Tar gə nee le iya rɔ-ɛ ləw baa ja kəm dəwje gə tɔ̰y ngaa ɓogəne ꞌkila gə ɗaga d-ar njerɔsangəje tɔ̰y,

Colossiendjé 3:3

Mba uyje ɗaa təbə lə-si iya rɔ-ɛ gə Kirisi rɔ Luba gə.

Colossiendjé 4:3

ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

2 Thessaloniciendjé 2:13

Sijee le ɗaa, may kar j-ar oyo Luba gə dɔ karje tɔ̰y ɔji dɔ sisəy, ngan ko̰-sijee gə Mbayɓe njigi-si. Mba Luba mbərə-si lo kun kudu neje gə ləw baa mba kar-si ingaje kaji gə go ɗəw Njil unda-si gə losang-ɛ nəm gə go takagə tar gə tɔgərɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 14:6

M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 4:11

Mbayɓe Luba lə-si, kəm kar-i inga rɔnduba, kəm ɗɔy-i gə kəm kar-i inga singamongə mba ꞌi ja unda neje tɔ̰y, gə go mə njigi lə-i, ɗaa neje nee le ꞌga̰ ngaɓa ꞌi ja unda-je.