Ephésiendjé 3:5 - Mbede Lə Luba Kone Gə Sigi

⁵ Ne gə to lo kiya-a gə nee le, Luba ar kəm nje gə kede ləw unja dɔ-ɛ gə, to gə n-kila ne dɔ-ɛ ɓisine ɗəw njil gə n-ar njeka̰ykulaje gə ꞌto gə losang-ɛ gə pajambərəje lə-a be ang baa:

Testament ke Siki 1960 (Kabba Laka)

⁵ Ke dèdè ntòdjou nèn ngandjé lo gel dooudjé ke leo ang, tokou ntòdjou ndjè kouladjé ke prophètedjé la ke madji loshénè, deo té lo Ndil ndja.

Ephésiendjé 3:5 ပူးပေါင်းရင်းမြစ်များ

Matiye 13:17

Tɔgərɔ, m-pa m-ar-si, pajambərəje bula, gə dəwje gə gadə-gadə ꞌnjigi mba ko ne oje nee gə kəm-je ngaa d-o ang baa, ꞌnjigi ko tar neje nee gə mbi-je ngaa d-o tar-ɛ ang baa.

Matiye 20:7

D-ila-a kəne na: Mba dəw un si kula gə ang. N-pa n-ar-je na: Ɓo be ɗaa ɔdəje awje ndɔ bḭyə̰ gə lə-m tɔ.

Matiye 23:34

Gəl-e gə to gə be ɓa m-ula ne pajambərəje, gə njekəm karəje, gə njekɔr gəl toronduje horo-si gə. Ɗaa a tɔlje nje gə kɛm gə a ɓərəje nje gə kɛm kagə dəsə gə, cibi a kundaje nje gə kɛm gə ndəy abəlay mə kəy nendo gə, cibi ɓa a ndoleje-je gə ɓe-ɓe mba kula kəm-je ndoo.

Lugu 10:24

Be ɓa, m-pa m-ar-si to gə pajambərəje bula gə mbayje bula ꞌnjigi mba ko ne gə oje nee gə kəm-je ngaa d-o ang baa, ꞌnjigi ko tar neje nee gə mbi-je ngaa oso mbi-je gə ang baa.

Lugu 11:49

Gəl-e gə nee ɓa Luba pa gə kəm karə na: M-a kula pajambərəje gə njeka̰ykulaje kar-je, ɗaa d-a tɔl-je nje gə kɛm ngaɓa d-a kula kəm nje gə kɛm ndoo tɔ,

Jean 14:26

Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Jean 16:13

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Koula 10:28

Piyɛr un tar pa ar-je na: ꞌGərəje to gə ndu ɔgə mba kar dəw gə to Jiibi ang nama Jiibi um sə-a naa gə ang nəm andə kəy lə-a ang nəm tɔ ngaa Luba tɔji-m mba kar-m m-o dəw gə dəw gə uwa yoro ose mina ang.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

1 Corinthiendjé 2:10

Ngaɓa sijee ɓa Luba kila gəl-e ɗəw Njil gə ar-si, mba Njil le tən neje tɔ̰y so-so, mə kəji lə Luba gə uru ya̰ kara n-gərə nəm.

Ephésiendjé 2:20

ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

Ephésiendjé 3:9

ngaɓa gə mba tɔji kar-ɛ arə ngadə, se to gə ban ɓa Luba gə njekunda ne tɔ̰y le, ɗa ne ne gə to lo kiya-a gə n-ngom m-e gə kede ləw baa le wa;

2 Piyɛr 3:2

mba kar mə-si ole ne dɔ tarje gə pajambərəje gə to gə losang-ɛ ꞌpa kede, ngaɓa gə dɔ ndu gə Mbayɓe gə Njekaji-si un ar njeka̰ykulaje lə-si.

Jude 1:17

Ngaa sisəy gə m-njigi-si ya̰ le, ar-je mə-si ole dɔ tarje gə njeka̰ykulaje lə Mbayɓe lə-si Jeju Kirisi ꞌpa kede.