Ephésiendjé 3:19 - Mbede Lə Luba Kone Gə Sigi

¹⁹ Ngaɓa gə mba kar ꞌgərəje ne njigi lə Kirisi gə tɔy negərə əw le, kar Luba ɗa ne ɓe mə-si gə dana badagə ta ne rɔ-si yal tɔ.

Testament ke Siki 1960 (Kabba Laka)

¹⁹ Ke ta geré ndiki lo Christ ke ndai kemkarè toï, baa ta kare sésè edousidjé ke né toï lo Allah.

Ephésiendjé 3:19 ပူးပေါင်းရင်းမြစ်များ

Matiye 5:6

Nokarə to kar nje gə ɓo neɗa gə dana gadə-gadə ɔrə-je ngaɓa d-aw ndoo-e, Mba Luba a kar mə-je oso nangə po̰.

Jean 1:16

Be ɓa, gə go nebaw lə-a gə unda kubu le, sijee tɔ̰y j-inga ne ne ji-a gə ngaɓa mənuji lə-a kara j-inga gə dɔ mar-ɛ gə dɔ mar-ɛ gə nəm tɔ;

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Romaindjé 8:35

Na ja a kɔrə sijee mə njigi gə lə Kirisi wa? ꞌMəsərə, ose kar gə gəd gədə, ose nekəmandoo, ose ɓo, ose kaw kudu dum, ose ne gə a ce yo, ose kiya bayi wa?

Romaindjé 8:39

singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.

2 Corinthiendjé 5:14

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ephésiendjé 1:23

gə to darɔ-ɛ, ꞌne gə n-to darɔ Luba ja dɔngɔ doy.

Ephésiendjé 3:18

Be ɓa a kasə gərəje, naa gə kara baa gə njerɔsangəje tɔ̰y, se njigi le, tad-ɛ, gə ngal-ɛ, gə kuru lə-a, gə ndə̰w̰ lə-a, unda rɔ-ɛ to gə ban wa?

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 5:25

Jingawje, na-na kara njigi jene lə-a to gə Kirisi njigi ne mbo̰ naa lə njetakagəje ɓa, ye ja gə dɔ-ɛ, un rɔ-ɛ ar mba tar lə-a,

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Philippiendjé 4:7

Be ɓa ɗɛgɛgɛ lə Luba gə nday kəjije tɔ̰y le, a ngom mə-si gə kəjije lə-si dɔ Kirisi Jeju gə.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

1 Piyɛr 1:8

O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.