Ephésiendjé 3:10 - Mbede Lə Luba Kone Gə Sigi

¹⁰ mba kar ɗəw gə lə mbo̰ naa lə njetakagəje ɗaa, nje dum dɔ loje gə singamongəje gə mə dara gə ꞌgərə ne kəm karə lə Luba gə to gə lo-e ɓədə-ɓədə bula ya̰ ɓisine,

Testament ke Siki 1960 (Kabba Laka)

¹⁰ Baa ta kare ndjè kö loou, ke ndjè singa mongoudjé ke loou té ke dara, ngeré bashénè kemkarè lo Allah dang dang, deo té lo kei Allah.

Ephésiendjé 3:10 ပူးပေါင်းရင်းမြစ်များ

Romaindjé 11:33

Əy, nebaw lə Luba to ɓəəl ya̰, kəm karə gə negərə lə-a nəm! Kila kagə dɔ tarje gə lə-a na ɓa asə gərə wa? Ngaɓa na ja a kasə gərə neje gə n-gɔl mba ɗa wa?

Romaindjé 8:38

Mba m-gərə gə maj-ɛ to gə yo ang nəm, təbə ang nəm, anjije ang nəm, njeko̰ dɔ loje ang nəm, ndɔ gə ɓogəne ang nəm, ndɔ gə bara ang nəm,

1 Corinthiendjé 1:24

Be ja kara, nje gə ꞌɓar-je, Jiibije ang nəm, gə dəwje gə ꞌgərə Luba ang nəm le d-o Kirisi gə singamongə lə Luba ngaɓa gə kəm karə lə Luba tɔ.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

Ephésiendjé 1:21

dɔ nje dum dɔ loje gə tɔ̰y gə njeko̰ ɓeje tɔ̰y gə njesingamongəje tɔ̰y, gə njeko̰ dɔ loje tɔ̰y, gə rije tɔ̰y gə a ɓar dɔ ndɔ gə ɓogəne ja baa ang, ngaa saar gə dɔ ndɔ gə aw ɗe gə kede əng.

Ephésiendjé 1:23

gə to darɔ-ɛ, ꞌne gə n-to darɔ Luba ja dɔngɔ doy.

Ephésiendjé 1:3

May kar ndu tɔr to kar Luba, Bɔ Mbayɓe lə-sijee Jeju Kirisi, gə ar ndu tɔrje ɓədə-ɓədə gə ɗəw njil gə ḭ mə dara gə kuja naa dɔ sijee gə ɗəw gə lə Kirisi,

Ephésiendjé 1:8

gə n-ar ne si gə kobəre-kobəre gə go kəm karə tɔ̰y gə negərə.

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

Colossiendjé 1:16

Mba ꞌɗa ne ne tɔ̰y mə dara gə, gə dɔ nangə nee ɗəw gə lə-a, ne gə kəm dəw o gə ye gə kəm dəw o ang, ngəndəng mbay, nje dum dɔ loje, njeko̰ dɔ loje gə njesingamongəje. Neje tɔ̰y nee le ꞌne ja n-ɗa ngaɓa ɔji dɔ-ɛ ja.

Colossiendjé 2:10

Ɗaa təbə lə-sisəy andə mə naa gə gə təbə lə-a, ꞌne gə n-to Mbay gə nje dum dɔ njilje gə njeko̰ dɔ loje tɔ̰y ngaɓa njeko̰ loje tɔ̰y nəm tɔ.

Colossiendjé 2:15

n-ɔr ne mbay dɔ njilje gə njeko̰ dɔ loje gə njeko̰ loje, n-unda-je gə nekogo kəm dəwje gə, n-cɛdə ne ɗɔ dɔ-je gə ɗəw kuy gə kagə dəsə gə.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.