Ephésiendjé 3:1 - Mbede Lə Luba Kone Gə Sigi

¹ Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Testament ke Siki 1960 (Kabba Laka)

¹ Mbata tar nèn, ma Paul, ndjè kei koula lo Christ Jésus mbata sè Gentildjé.

Ephésiendjé 3:1 ပူးပေါင်းရင်းမြစ်များ

Lugu 21:12

Ngaa nam ɓa kar neje nee nday nama, d-a tuwa-si mba kula kəm-si ndoo, d-a kun dɔ-si mə kəy nendoje gə, d-a tuwa-si kum-si kəy kula gə, d-a kaw gə si no mbayje gə, gə no njeko̰ ɓe gə mba tar lə-m.

Koula 21:33

Be ɓa njekun dɔ njeɗɔje nee le ula ji-a uwa Pɔl ɗaa un ndu kar ꞌtɔ-ɛ gə kula larje joo ngaɓa təl dəji-e se n-to na wa, cibi se ɗi ɓa n-ɗa wa?

Koula 23:18

Be ɓa njekun dɔ njeɗɔje gə tɔl aw gə ngon basa̰ le aw inga ne njekun dɔ njeɗɔje gə tɔl-tɔl dɔg le ngaɓa pa na: Pɔl gə to kəy kula gə nee ɓa ɓar-m na kar-m m-ɗe gə ngon basa̰ m-ar-i mba tar to t-ɛ əng kar-ɛ n-pa n-ar-i.

Koula 26:29

Pɔl ila kəne na: Nay njɛ̰ baa ose ya̰ kara m-dəji Luba mba kar ꞌi gə kar-i baa ang ngaa dəwje tɔ̰y gə d-o ndu-m ɓogəne kar ꞌtəl-je to gə ꞌma be lal kar ꞌtɔ si gə kula lar!

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

2 Corinthiendjé 1:6

To gə ɓo j-o ꞌməsərə nama, j-o ꞌməsərə mba kar uwaje ne gədərə dan ꞌməsərə gə ngaɓa gə mba kar ingaje ne kaji nəm tɔ. To gə ɓo mə-sijee kul nama, ye nee le to gə nekul mə lə-sisəy gə a kar-si singa mba kar uwaje ne gədərə dan ꞌməsərə gə kara baa gə sijee kara j-o tɔ.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 11:23

ꞌTo njekulaje lə Kirisi wa? M-pa to to gə dəw gə dɔ-ɛ godo gə kɔrɔ be, m-to njekula lə Kirisi m-unda-je: ɗəw kula gə, ɗəw to kəy kula gə, ɗəw kunda gə ꞌkunda-m gə. Taar-taar ja m-aw ta yo cɛbɛdə-cɛbɛdə,

Galatedjé 5:11

Ngan ko̰-mje, ye gə ɔji dɔ ꞌma le, to gə ɓo m-to gə njekila mbərə tar kunja bərə nama, mba ɗi cibi ɓa d-ula kəm ndoo wa? Bənəng ɗaa, tar kuy lə Kirisi kagə dəsə to jigi tuga lə dəw kara ang.

Galatedjé 5:2

Oje! ꞌMa Pɔl, m-pa m-ar-si: To gə ɓo ar-je d-unja bərə-si nama Kirisi a to ne kara mba tar lə-si ang.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Ephésiendjé 3:11

gə go ne gə Luba uwa dɔ gɔl-ɛ lo kuma kudu ne gə ləw baa ɗəw gə lə Kirisi Jeju, Mbayɓe lə-sijee.

Ephésiendjé 3:13

To gə be ɓa, m-dəji-si mba kar-si ilaje kasə ɔji dɔ tuji gə m-isi dan-ɛ gə mba tar lə-si ang. To gə ne riɓar lə-sisəy.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 6:20

Tar gə May gə nee, gə m-to gə njekila mbər-e le ɓa ꞌtɔ-m ne gə kula lar; may kar-m m-pa tar-ɛ gə ɓəəl ang, ngaɓa gə go ɗəb-e gə may kar-m m-pa ne le ja tɔ.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

Colossiendjé 4:18

ꞌMa Pɔl ja, m-ɗa mbede nee gə ji-m: m-o ne si. Ar-je mə-si ole dɔ-m gə lo to kəy kula gə. May kar mənuji nay gə si!

Colossiendjé 4:3

ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

2 Timoce 1:16

May kar Luba ɓugu məmay lə-a dɔ njeməkəyje gə lə Onejipɔr, mba taar-taar ja n-aw n-ula jingaw mə-m gə ngaɓa n-ɗa rɔ kul mba-m ɔji kula lar gə ꞌtɔ-m ne ang;

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

Pilimo 1:1

ꞌMa Pɔl gə m-to kəy kula gə lə Kirisi Jeju gə je gə ngon ko̰-si Timoce ja ɗa mbede nee j-ar Pilimo, nje baa kula m-ar-si gə j-a njigi-e ya̰,

Pilimo 1:23

Epapəras gə d-uwa-a sə-m mba tar lə Jeju Kirisi le na m-o-i m-ar ꞌne,

Pilimo 1:9

m-njigi koso kul no-i gə ri njigi, m-dəji ne kara. ꞌMa Pɔl, gə m-tɔgə ngaɓa mə kar gə ne ɗaa m-to kəy kula gə lə Kirisi Jeju,

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.