Ephésiendjé 2:8 - Mbede Lə Luba Kone Gə Sigi

⁸ Be ɓa, mbɔr dɔ mənuji ɓa sisəy ajije ne kəbərə ɗəw takagə gə. Sisəy ɓa ngira kaji nee le ḭ rɔ-si gə ang, to nekarə baa lə Luba,

Testament ke Siki 1960 (Kabba Laka)

⁸ Mbata to deo tokou mè madji té ke dadjisè mbä, deo té lo ko mè té, yèn to ngäsè ang a to né kare ba lo Allah.

Ephésiendjé 2:8 ပူးပေါင်းရင်းမြစ်များ

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 20:9

Dəwje gə ꞌɗe gə kar gə um ji-a dɔ baa gə le, dəw kara ɗaa inga lar kula gə kəm ndɔ kara.

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Lugu 7:50

Cibi, n-pa n-ar jene na: Takagə lə-i aji-i, aw gə ɗɛgɛgɛ.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 4:10

Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:35

Jeju pa ar-je na: ꞌMa ja m-to gə mbə gə kar kisi gə təbə; dəw gə ɗe rɔ-m nama, ɓo a kɔr-ɛ ang ja saar, ngaɓa dəw gə ta kagə-m nama kunda a kɔr-ɛ ang ja saar tɔ.

Jean 6:37

Dəwje tɔ̰y gə Bɔ dəwje um-je ji-m gə le, d-a ɗe rɔ-m gə, ngaɓa dəw gə ɗe rɔ-m gə nama, m-a tɔb-ɛ kila-a ɗaga ang ja saar,

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:44

To gə ɓo Bɔ dəwje gə ula-m ndɔr dəw ɗe sə-a rɔ-m gə ang nama, dəw kara kara asə ɗe rɔ-m gə ang; ɗaa ꞌma, m-a ndol-e dɔ ɗudu ndɔ gə.

Jean 6:65

Ɗaa n-pa na: Mba ne gə nee le ɓa m-pa ne m-ar-si na: Dəw gə ɓo Bɔ dəwje un ɗəw ar-ɛ ang nama, asə ɗe rɔ-m gə ang.

Koula 13:39

Dəw gə ta kag-ɛ nama tar neɗaje gə kṵra̰y gə torondu Moyiji asə kɔr tar-ɛ dɔ-ɛ gə ang le a kɔr dɔ-ɛ gə.

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Koula 15:11

Ngaa, gə go mənuji lə Mbayɓe Jeju ɓa j-o to gə j-aji ne le ja, ꞌjejee kara ɗəw kara baa to gə be tɔ.

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 16:31

Pɔl je gə Silas d-ila kəne na: ꞌTa kagə Mbayɓe Jeju nama a kaji, ꞌi gə njeməkəyje lə-i.

Romaindjé 10:14

Dəw gə ꞌta kag-ɛ ang ja baa d-a kila ndu-je nangə ɓar-ɛ ne to gə ban wa? Ngaɓa dəw gə ꞌpa tar lə-a d-ar-je ang ja baa, d-a ta kag-ɛ to gə ban wa? Ngaɓa nje pa tar-ɛ godo ngaa d-a ko to gə ban wa?

Romaindjé 10:17

Be ɓa takagə ɗe ɗəw ko tar gə, ngaɓa tar gə d-o le ḭ mə tar gə lə Kirisi.

Romaindjé 4:16

Gəl-e gə nee ɓa gə go takagə, mba ɔji dɔ mənuji ɓa mba kar ne gə d-uwa dɔ gɔl-ɛ le to ne gə singa-a ɔji dɔ gəl kuji ja tɔ̰y, ɓo gə go torondu ɓa mba kar ɔji ne dɔ nje gə ꞌgərə ja baa ang, ngaa ɔji ne dɔ nje gə ꞌta kagə ɗəw kara baa to gə Abəraham gə to ka-sijee tɔ̰y.

Romaindjé 4:5

Kar dəw gə kula ɗ-ɛ godo ngaa takagə Luba gə o dəw gə ɓəəl-e ang gə dəw gə gadə-gadə nama gə go takagə lə-a ja d-a tura ne gə dəw gə gadə-gadə.

Romaindjé 9:16

Be ɓa ɔji go mə njigi lə dəw ang nəm ɔji dɔ singa gə n-unda dɔ mar-ɛ gə ang, ngaa gə go məmay lə Luba.

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Galatedjé 3:22

Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Ephésiendjé 1:19

ngaɓa ɗi ɓa to gə singamongə lə-a gə dum dɔ neje tɔ̰y gə to ɔji dɔ sijee gə j-a takagə ɗəw singamongə lə-a gə to ɓəəl.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Philippiendjé 1:29

mba d-ar-si ɗəw gə go mənuji lə Kirisi, kar ꞌtaje kag-ɛ ja kara baa ang ngaa kar oje məsərə mba tar lə-a tɔ,

Colossiendjé 2:12

ꞌDubu-si sə-a ɗəw batɛm gə, d-ar-si ja ꞌce-je sə-a mə buwa yo tɔ ngaɓa gə ɗəw ta kagə singamongə Luba gə ar-ɛ n-ce ne horo nje gə d-uy gə.

2 Thessaloniciendjé 1:9

Ngaɓa, dəwje gə nee le, d-a ko ko̰, ɗaa d-a tuji gə dɔbo̰, d-a ko kəm Mbayɓe ang nəm, cibi d-a ko riɓar singamongə lə-a ang nəm tɔ,

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.