Ephésiendjé 2:3 - Mbede Lə Luba Kone Gə Sigi

³ Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Testament ke Siki 1960 (Kabba Laka)

³ Djèdjè toï djisi horodè té leo tò, deo boo ke da ròdjè té, tokou djèdjè djao go né té ke da rò ke kedji ndiki, tokou ban djèdjè nto ngan ongoudjé deo da rò té, deo kadaba tokou kese dooudjé.

Ephésiendjé 2:3 ပူးပေါင်းရင်းမြစ်များ

Marəke 4:19

ngaa no rɔ gə ɔji dɔ ne gə nangə nee, gə ɓo nekingaje gə dɔ nangə nee, kəm kə̰y neje dang-dang ɗe udu dɔ tar lə Luba gə d-o le ngaɓa ɗa ar kand-e godo.

Jean 1:13

ꞌJejee nee le d-uji-je ɗəw məsə gə ang nəm, ɗəw mə njigi gə lə darɔ gə ang nəm, ɓa gə ɗəw gə mə njigi gə lə dəw ang nəm tɔ, ngaa gə ɗəw mə njigi gə lə Luba.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Koula 14:16

Dɔ ndɔje gə kede le n-ḭya̰ Gəl kuji dəwje tɔ̰y n-ar d-un ɗəwje gə mə-je njigi,

Romaindjé 1:24

Gəl-e gə nee ɓa Luba ḭya̰ neje yag dan neje gə mina gə gə go ɓo neje gə uwa mə-je ar d-ila ne rɔ kul dɔ naa gə gə yo gə nee;

Romaindjé 11:30

Ɗəw kara baa to gə sisəy kara kede ila-je kuji dɔ Luba gə ang, ɗaa gə go kila kuji ang lə-ꞌjejee ɓa ɗa ne gə sisəy məmay,

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Romaindjé 2:14

Logə dəwje gə ꞌgərə Luba ang, gə ꞌgərə torondu ang ja, d-ḭ gə dɔ rɔ-je baa ja ꞌɗa ne gə torondu pa, ꞌjejee gə torondu godo ji-je gə nee le, ꞌjejee ja ꞌto torondu gə ɔji dɔ rɔ-jejee ja;

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

Romaindjé 5:9

Ngaɓa mba ɓisine ꞌtura sijee gə dəwje gadə-gadə ɗəw məs-e gə le ɗaa, n-a ta-sijee ta wungu gə lə Luba ja tɔ.

Romaindjé 6:12

Ar-je neɗa gə kṵra̰y o̰ ɓe dɔ darɔ-si gə a kuy le ang ngaa mba a ɗa kar ilaje ne kɔji dɔ kəm kə̰y gə lə-a ang.

Romaindjé 7:18

Mba m-gərə: m-njigi pa to gə darɔ-m ꞌma gə ja, ne gə may godo kəne. Mba mə-m njigi ɗa may ja ngaa m-ɗa ang.

Romaindjé 9:22

Ngaɓa to gə ɓo Luba njigi tɔji wungu lə-a ngaɓa gə tɔji singamongə lə-a, ɓa ore ur-e ndəng dɔ nje gə d-asə kar wungu lə-a ɗe dɔ-je gə ngaɓa tuji-je.

1 Corinthiendjé 4:7

Mba, ɗi ɓa to ne gə unda-i ɓədə wa? Ɗi ja ɓa ꞌi inga gə kinga ang wa? Ngaɓa to gə ɓo inga gə kinga baa ɗaa, mba ɗi ɓa ꞌi unda ne kar-i to to gə ne gə ꞌi inga gə singa-i ja be wa?

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 3:22

Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 4:22

may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu,

Colossiendjé 1:21

Sisəy kara, kede le ꞌtoje mbaje kəm Luba gə ngaɓa ꞌtoje njeba̰a̰je lə-a gə go kəjije lə-si, gə go kula ɗaje lə-si gə kṵra̰y,

1 Thessaloniciendjé 4:13

Ngan ko̰-mje, j-a njigi kar-sisəy isije dɔ mbə gə ɔji dɔ dəwje gə d-aw cibi le ang, mba kar ꞌɗaje ne rɔ-si gə ndoo to to gə dəwje gə ne kunda mə lə-je godo be ang.

1 Thessaloniciendjé 5:6

J-a cibi to gə nje gə kɛm ang, ngaa ar-si j-isije kəm baa ngaɓa j-undaje kəm karə dɔ rɔ-si gə.

1 Timoce 6:9

Ngaa, dəwje gə nekinga asə-je ang le d-oso dan kərə gə, dan bandə gə ɓo neje dang-dang gə ɔsə dəwje um-je lo tuji gə.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

1 Piyɛr 1:14

ꞌƊaje to gə nganje gə d-ila kuji, ɗaa ꞌnjaje gə go ɓo neje gə d-o̰ dɔ-si to gə kede ləw d-o̰ ne dɔ-si dɔ mbə gə le ang;

2 Piyɛr 2:14

Kəm-je to kəm sangə jeneje dɔro ngaɓa d-ɔr kəm neɗa gə kṵra̰y ang, d-ərə dəwje gə njeməmbɔrɛje ngaɓa kəm kə̰y kinga ne ɓa uwa mə-je; ꞌjejee nee le ꞌto nganje gə ndɔɔl uwa dɔ-je.

2 Piyɛr 2:18

ꞌPa tarje gə baa ja d-ɔsə ne rɔ-je ngaɓa gə go ɓo neje gə darɔ gə d-ərə ne nje gə kar be ɓi ɓa ꞌkɔdɛ rɔ-je d-ɔr ji njendəəmje gə;

1 Jean 2:16

mba ne tɔ̰y gə to dɔ nangə nee: ɓo gə darɔ gə, kəm kə̰y gə kunda kar mba nekinga gə, neje nee le ḭ rɔ Bɔ-sijee Luba gə ang, ngaa neje le ɗe gə ɗew nemayje gə dɔ nangə nee.

1 Jean 2:8

Cibi, m-ɗa ndu gə sigi mə mbede gə m-ar-si, ndu nee le to ndu gə tɔgərɔ ɔji dɔ-ɛ nəm ngaɓa ɔji dɔ sisəy tɔ; mba cil ciməri nday ar lokarə gə tɔgərɔ arə nam ngaa.