Ephésiendjé 2:20 - Mbede Lə Luba Kone Gə Sigi

²⁰ ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

Testament ke Siki 1960 (Kabba Laka)

²⁰ Ndasè dò gòl tar té lo ndjè kouladjé ke prophètedjé, Christ Jésus ndja to err tòkou kikil kei.

Ephésiendjé 2:20 ပူးပေါင်းရင်းမြစ်များ

Matiye 16:18

Be ɓa ꞌma ja m-pa m-ar-i to gə ꞌi ꞌto Piyɛr, dɔ ər gə m-a kunda gəl Mbo̰ naa lə njetakagəje lə-m kəne, singamongə lə nje gə jabaw a kasə ɗa sə-a ne kara ang.

Matiye 21:42

Jeju təl pa ar-je na: ꞌTuraje mə mbede gə lə Luba ang ja tɔgərɔ wa? Tar gə na: Ər gə njekunda kəyje ꞌmbadə le Təl to gə ngaw dan-ɛ, ye ja to kil kəy gə To kula ɗa lə Mbayɓe Luba, Ɗaa to ne gə karə kar dəw uwa ne pa̰y ta kəm-je gə ja!

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Ephésiendjé 3:5

Ne gə to lo kiya-a gə nee le, Luba ar kəm nje gə kede ləw unja dɔ-ɛ gə, to gə n-kila ne dɔ-ɛ ɓisine ɗəw njil gə n-ar njeka̰ykulaje gə ꞌto gə losang-ɛ gə pajambərəje lə-a be ang baa:

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

1 Piyɛr 2:6

mba ꞌpa mə mbede gə na: Oje, m-a kila kɔr ər kil kəy Siyo̰ gə, to kɔr ər gə ꞌmbərə, gə may ya̰, A ɓo dəw gə unda m-e kəne nama rɔ kul a kuwa-a ang.

Apocalypse 21:14

Ndogo bɔrɔ lə ɓebo le d-um kɔr ər nangə dɔg gə gir-e gə joo ɓa d-ɔsə gɔl-ɛ dɔ-ɛ gə, ɗaa kɔr ərje le, ꞌɗa ri njeka̰ykulaje lə ngon badəm gə dɔg gə gir-je gə joo kəne.