Ephésiendjé 2:15 - Mbede Lə Luba Kone Gə Sigi

¹⁵ n-tuji ne torondu, gə ndu kunje ngaɓa gə tarje gə ꞌtɔ dɔ-ɛ kəne pugudu, mba kar ɗəw gə lə-a ɗaa, gəl dəwje gə joo nee le ꞌtəl d-unda-je to gə sigi gə gəl dəwje gə kara baa, mba kar ɗɛgɛgɛ to ne.

Testament ke Siki 1960 (Kabba Laka)

¹⁵ Deo té lo da rè ndja nè nòrou tar ndedji ke deo té lodè toï, baa ta kare nda ke mèa ndja, ta kare dèdè djo ndé to doou ke siki kada, tokou ban nè nda mè woul.

Ephésiendjé 2:15 ပူးပေါင်းရင်းမြစ်များ

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 2:14

Mba ꞌne gə n-mbo̰ neje gə joo naa gə n-ar təl to kara baa le, n-to gə ɗɛgɛgɛ lə-sijee, n-uwa ne ndogo ba̰a̰ gə kay horo-si le n-unda nangə mburugu,

Ephésiendjé 2:16

Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə.

Ephésiendjé 4:16

Ɗəw gə lə-a ꞌne, ngaɓa mbɔr dɔ lokurugo̰je tɔ̰y ɗaa, darɔ ja tɔ̰y nam ta naa gə to ne kara baa, ngaɓa mbara rɔ kara kara tɔ̰y ja ɗa kula ar darɔ le tɔgə ne dan njigi gə.

Colossiendjé 2:14

n-tuji ne tar gə ꞌɗa mbede gə uwa dɔ-si, mbede gə tar gə m-e gə ila tar dɔ-si gə le, n-ɔr dɔ-si gə n-ɓər-e kagə dəsə gə;

Colossiendjé 2:20

To gə ɓo uyje gə Kirisi naa gə nama ar-je əw gə ndu kar neje gə dɔ nangə nee mba ɗi ɓa ar-je ndu neje gə dɔ nangə nee d-o̰ ɓe dɔ-si gə cibi wa?

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

Ebərəje 7:16

njekapolo kara gə ɗangə ɗe ne, ɗəw torondu dəw ang, ngaa ɗəw singamongə təbə gə a to gə ɓal-ɓal.

Ebərəje 8:13

Logə ɓo ꞌpa tar kone gə sigi nama, ye gə dɔngɔr unda nangə ngaa. Be ɓa ne gə ləw gə ɓuga le, a kaw kunda nangə ngaa.

Ebərəje 9:23

Kede nam ɗaa may kar ꞌtogo neje gə tɔji neje gə dara to gə be ngaɓa go-e gə ɗaa neje gə dara ja togo rɔ-je may pɛdə gə go nepolo.