Ephésiendjé 2:13 - Mbede Lə Luba Kone Gə Sigi

¹³ Ngaa sisəy gə kede ləw ꞌga̰je əw le, ɗəw gə lə Kirisi Jeju ɗaa, ɓisine ɗaa ꞌga̰je dəb ɗəw məsə Kirisi gə.

Testament ke Siki 1960 (Kabba Laka)

¹³ A bashénè mè Christ Jésus té, sésè ke éhdjé dèbè eo leo, daresè ta dé ngosiba deo té lo mese lo Christ.

Ephésiendjé 2:13 ပူးပေါင်းရင်းမြစ်များ

Jean 10:16

Badəmje lə-m gə ɗangə ꞌga̰ kəne əng ɓi gə ꞌgodo mə kinga gə nee ɗaa ꞌje gə kən kara, may kar-m m-ɗe gə je; d-a ko ndu-m ɗaa d-a kum naa gə kuduɓe kara baa ngaɓa njekuul-je kara kara baa tɔ.

Koula 15:14

Simo ɔr gəl-e lo kun kud-e gə dɔngɔr ja ɗəw gə Luba mbərə ne dəwje horo nje gə to Jiibije ang gə unda-je dang mba kar ri-a to dɔ-je gə.

Koula 2:39

Mba Luba uwa dɔ gɔl-ɛ mba kar-sisəy, gə mba ngan-si, ngaɓa mba dəwje tɔ̰y gə d-isi əw, gə kɔr-je bula gə Mbayɓe Luba lə-si a ɓar-je.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Ephésiendjé 1:1

ꞌMa Pɔl njeka̰ykula lə Kirisi Jeju gə go mə njigi lə Luba, m-ɗa mbede nee m-ar njerɔsangəje gə d-isi Epɛs, gə ꞌto gə njetakagə Kirisi Jeju-je gə tɔgərɔ.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 2:12

sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 2:6

N-ar-si ja ndol naa gə kara baa gə Kirisi Jeju, ngaɓa n-ar-si j-isi sə-a naa gə kara baa mə dara gə,

Ebərəje 9:18

Gəl-e gə nee ɓa kone gə dɔngɔr le, ꞌtɔl t-ɛ lal gə kila məsə nangə ang.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.