Ephésiendjé 2:11 - Mbede Lə Luba Kone Gə Sigi

¹¹ Ar-je mə-si ole dɔ ne gə nee: Sisəy gə kede ləw, ɗəw gə lə darɔ nama ꞌtoje gə Jiibije ang, ngaɓa nje gə d-ɔsə gaji rɔ-je mba bərə-je gə ji dəw ɓa unja, ɗəw gə lə darɔ, ꞌɓar-si gə njekunja bərə angje le,

Testament ke Siki 1960 (Kabba Laka)

¹¹ Tokou ban olidjé mèsè dò ndò té ke sésè etoidjé Gentildjé deo da rò té, dèdè ke nto ndjè koudja ta motedè ke djidè da ke da rò, dèdè mmarsè to ndjè koudja ta motesè ang.

Ephésiendjé 2:11 ပူးပေါင်းရင်းမြစ်များ

Matiye 20:7

D-ila-a kəne na: Mba dəw un si kula gə ang. N-pa n-ar-je na: Ɓo be ɗaa ɔdəje awje ndɔ bḭyə̰ gə lə-m tɔ.

Romaindjé 11:17

Ngaa to gə ɓo ꞌndər bar kəm-ɛje gə kɛm, ngaɓa ꞌi gə kagə olibiye gə muu baa, d-un-i ꞌnam-i toro-je gə, ngaɓa uba may dɔ ngira gə, gə dɔ bodo kagə olibiye gə to kede le nama,

Romaindjé 2:26

To gə ɓo dəw gə unja bərə ang ila kuji dɔ torondu gə le se d-a tura-a gə njekunja bərə ang wa?

Romaindjé 2:27

ꞌNe gə n-to njekunja bərə ang ja, n-ila kuji dɔ torondu gə le se, n-gangə ne tar dɔ-i ꞌi gə ang wa? ꞌI gə torondu to ji-i gə ngaɓa unja bərə ja cibi ɓa al dɔ torondu le.

1 Corinthiendjé 12:2

ꞌGərəje to gə logə ꞌtoje ne dəwje gə gərə Luba ang le, ꞌndɔr-si baa gə kəne əng dɔ-si gə ɓe lə magəje gə ꞌpa tar ang.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 2:15

Sijee le, j-a to Jiibije gə kuji kəy, ɓo sijee j-a to njeneɗaje gə kṵra̰y to gə dəwje gə ꞌgərə Luba ang be ang.

Galatedjé 6:12

Dəwje gə ꞌnjigi kuwa-si gə singa kar unjaje bərə-si le, ꞌto dəwje ꞌnjigi tɔji rɔ-je ɗəw darɔ to gə ꞌto dəwje gə ꞌto ɓəəl ya̰ ta kəm dəwje gə. ꞌƊa bənəng mba kar d-ula ne kəm-je ndoo ɔji dɔ Kirisi gə ꞌɓər-e kagə dəsə gə ang ja baa.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 5:8

Sisəy le ɗaa, kede ləw ꞌtoje gə cil ciməri, ngaa ɓisine ɗaa ꞌtoje gə lokarə gə mə Mbayɓe gə ngaa. ꞌNjaje to gə ngan lokarəje be;

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Colossiendjé 1:21

Sisəy kara, kede le ꞌtoje mbaje kəm Luba gə ngaɓa ꞌtoje njeba̰a̰je lə-a gə go kəjije lə-si, gə go kula ɗaje lə-si gə kṵra̰y,

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

Colossiendjé 2:13

Sisəy le uyje mbudugu ɗəw neɗaje gə gə dɔ gɔl-ɛ ang gə lə-si ngaɓa mba unjaje bərə-si ɗəw darɔ gə ang, n-ar-si ꞌtəl isije sə-a kəm baa, n-ɔr ne tar neɗaje gə kṵra̰y lə-si tɔ̰y dɔ-si gə;

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.