Ephésiendjé 2:10 - Mbede Lə Luba Kone Gə Sigi

¹⁰ Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Testament ke Siki 1960 (Kabba Laka)

¹⁰ Mbata djèdjè nto koula lo Allah, ke dadjè mè Christ Jésus té ta da koula ke madji, koula ke Allah da dongor kèté, baa ta karedjè ndja kendé.

Ephésiendjé 2:10 ပူးပေါင်းရင်းမြစ်များ

Matiye 5:16

Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Jean 3:21

Ngaa dəw gə nje ɗa ne gə tɔgərɔ le nja dan lokarə gə, mba kila ne dɔ kula ɗ-ɛje gə ɗaga tɔji ne to gə ɗa kulaje lə-a gə go mə njigi lə Luba.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Koula 9:36

Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

1 Corinthiendjé 3:9

Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

2 Corinthiendjé 5:5

Nje gɔl təbə nee le kar-sijee to Luba. N-ar-sijee Njil gə ne gə d-ɔsə kɔrə.

2 Corinthiendjé 9:8

Luba asə kar-si nemayje dang-dang, mba kar ingaje ne ne gə ndɔje tɔ̰y gə a la gə rɔ-si, ngaɓa ye gə nay ji-si gə ya̰ le a kuwaje ne nuji tɔ,

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Ephésiendjé 1:1

ꞌMa Pɔl njeka̰ykula lə Kirisi Jeju gə go mə njigi lə Luba, m-ɗa mbede nee m-ar njerɔsangəje gə d-isi Epɛs, gə ꞌto gə njetakagə Kirisi Jeju-je gə tɔgərɔ.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Ephésiendjé 2:13

Ngaa sisəy gə kede ləw ꞌga̰je əw le, ɗəw gə lə Kirisi Jeju ɗaa, ɓisine ɗaa ꞌga̰je dəb ɗəw məsə Kirisi gə.

Ephésiendjé 2:15

n-tuji ne torondu, gə ndu kunje ngaɓa gə tarje gə ꞌtɔ dɔ-ɛ kəne pugudu, mba kar ɗəw gə lə-a ɗaa, gəl dəwje gə joo nee le ꞌtəl d-unda-je to gə sigi gə gəl dəwje gə kara baa, mba kar ɗɛgɛgɛ to ne.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 2:6

N-ar-si ja ndol naa gə kara baa gə Kirisi Jeju, ngaɓa n-ar-si j-isi sə-a naa gə kara baa mə dara gə,

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 4:24

ɗaa unje darɔ gə sigi gə Luba unda-a ɗəw neɗa gə dana gadə, gə ɗəw nesangə gə to gə kandə tar gə tɔgərɔ le ula-aje rɔ-si gə.

Philippiendjé 1:6

M-gərə gə maj-ɛ to gə ꞌye gə un kudu kula gə may mə-si gə le, a kaw ne saar mba tɔl t-ɛ ndɔ təl gə lə Kirisi Jeju.

Philippiendjé 2:13

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

2 Thessaloniciendjé 2:17

ꞌkul mə-si gə d-ila singa dɔ mar-ɛ gə d-ar-si, ꞌɗaje ne ne gə may lo kula ɗa gə lə-si tɔ̰y, gə lo pa tar gə lə-si tɔ̰y tɔ.

1 Timoce 2:10

Ngaa d-a tɔji mandə lə-je gə go ɗəw kula ɗa-je gə gə maj-ɛ. Ye ɓa to gə ndu kun lə jeneje gə d-ila kuji dɔ Luba gə.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

1 Timoce 5:25

Ɗəw kara baa, neɗa gə may le tɔji rɔ-ɛ gə ɗaga, ngaa neɗa gə kṵra̰y le to lokiya gə ang tɔ.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

2 Timoce 2:21

Be ɓa dəw gə sangə rɔ-ɛ gə maj-ɛ, gə ngom rɔ-ɛ dɔ neɗa gə kṵra̰y gə nama a to to gə bay gə a ta kəm nj-ɛ ngaɓa a to ɔji dɔ kula gə gə maj-ɛ tɔ̰y.

2 Timoce 3:17

be ɓa mba kar dəw lə Luba a to ne dəw gə ꞌgɔl-ɛ mba ɗa ne kula gə may tɔ̰y.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 10:24

J-a tɔsə-je kəm-si dɔ naa gə gə yo gə nee, j-a ndəjije naa dɔ nuji gə ngaɓa gə dɔ kula ɗaje gə may gə.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 2:6

Dəw gə pa na n-um sə-a naa gə le, a kasə nja to gə ꞌne nja be.