Ephésiendjé 1:6 - Mbede Lə Luba Kone Gə Sigi

⁶ mba kila ne riɓar ɔji dɔ njigi gə lə-a gə n-unda ne sijee dan may gə ɗəw gə lə ngon-e gə n-ɓol-e.

Testament ke Siki 1960 (Kabba Laka)

⁶ Mbata piti tòkou mè madji la ke ndokoo, ke nè naredjè tokou né kinga ba mè nè té ke nè ndikè nya.

Ephésiendjé 1:6 ပူးပေါင်းရင်းမြစ်များ

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 20:9

Dəwje gə ꞌɗe gə kar gə um ji-a dɔ baa gə le, dəw kara ɗaa inga lar kula gə kəm ndɔ kara.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Lugu 2:14

Riɓar to dɔ Luba gə mə sam dara gə taar, Ɗɛgɛgɛ to dɔ nangə nee, horo dəwje gə ꞌta kəm-e!

Jean 10:17

Bɔ dəwje ɓol-m mba m-ḭya̰ təbə lə-m m-ila kɔrɔ ɓa m-təl m-inga to gə ɗangə ɓi.

Jean 3:35

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

2 Corinthiendjé 4:15

Be ɓa neje tɔ̰y gə ce dɔ sijee gə le, ce mba sisəy, mba kar mənuji ɗa kula mə dəwje gə bula, ngaɓa kar bula bo dəwje ꞌtəl ne gə oyo, gə d-ila ne riɓar dɔ Luba gə.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Ephésiendjé 1:12

mba kar-sijee gə j-unda mə-si dɔ Kirisi gə kede nam le, j-ila ne riɓar dɔ-ɛ ꞌne gə Luba gə.

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 2:7

mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Philippiendjé 4:19

Luba lə-m gə njegəl nekinga a da-si daga-daga gə neje tɔ̰y gə ndoo-e to si, gə riɓar gə ɗəw gə lə Kirisi Jeju.

Colossiendjé 1:13

N-ɔr si lo gə cil ciməri o̰ ɓe kəne, ɗaa n-odo-si n-um-si mə ɓeko̰ gə lə ngon-e gə njigi-e gə maj-ɛ,

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.