Ephésiendjé 1:5 - Mbede Lə Luba Kone Gə Sigi

⁵ ɓa n-ɔr sijee n-unda si gə kəm-e ɓədə kede ləw baa nam, n-təl ne si gə ngan m-eje gəl Jeju Kirisi gə gə go mə njigi lə-a gə may pɛdə,

Testament ke Siki 1960 (Kabba Laka)

⁵ Ke mè ndiki, nè nda ta karedjè nto nganè deo té lo Jésus Christ, deo kadaba tokou mèa ndiki ta da.

Ephésiendjé 1:5 ပူးပေါင်းရင်းမြစ်များ

Matiye 1:25

Ngaa n-gər-e gə jene ang ja saar uji ne ngon gə jingaw le ɗaa n-unda ri-a na Jeju.

Matiye 11:26

Oyo, Bɔy, mba ꞌnjigi kar neje to to gə be gə go məmay lə-i.

Lugu 10:21

Dɔ kar-ɛ gə əng le, Njil Njerɔsangə ar kogo ɗusu mə Jeju ɗaa, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje, ngaa ꞌkila gəl-e ar nganje d-o. Oyo, Bɔy, mba ꞌnjigi kar neje to to gə be gə go mə njigi lə-i.

Lugu 11:32

Ndɔ gangə tar nama, dəw mə ɓeje gə Ninibə d-a kuba nangə kḭ naa gə kara baa gə gəl kuji nee, ngaɓa tar a təl kuwa dɔ gəl kuji gə nee le, mba dəwje gə Ninibə ꞌturu kəji lə-je gə go tar lə Luba gə Jonas pa ar-je, ngaɓa oje, dəw gə nday Jonas ja ar nee.

Lugu 12:32

Sisəy gə ꞌtoje nekuulje gə njɛ̰, ar-je mə-si ila kasə ang, mba rɔ Bɔ-sijee ləl-e mba kar-si ɓeko̰ le.

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Jean 11:52

Ngaɓa gə mba gəl kuji Ijirayɛl ja gə kar-ɛ baa ang, ngaa gə mba mbo̰ ne nganje lə Luba gə ꞌsɛ̰rɛ̰ naa le dɔ naa gə gə darɔ gə kara baa.

Jean 20:17

Jeju pa ar-ɛ na: Ɔr rɔ-m ang, mba m-aw ɓə lə Bɔ dəwje ang baa ɓi. Ɗaa aw inga ngan ko̰-mje ꞌpa ar-je to gə m-aw gə rɔ Bɔy gə, gə Bɔ-sisəy-je gə ngaɓa Luba lə-m gə Luba lə-sisəy tɔ.

Koula 13:48

Dəwje gə to Jiibije ang le d-o tar gə nee le ɗaa ꞌɗa rɔləl ngaɓa d-ula rɔnduba dɔ tar gə lə Mbayɓe. Be ɓa dəwje tɔ̰y gə Luba mbərə-je mba təbə gə gə ndɔ gə ndɔ le, ꞌta kagə.

Romaindjé 8:23

To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy.

1 Corinthiendjé 1:1

ꞌMa Pɔl gə ꞌɓar-m gə go mə njigi lə Luba kar m-to njeka̰ykula lə Kirisi Jeju, gə ngon ko̰-si Sosətɛn.

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

2 Corinthiendjé 6:18

M-a to bɔ-sijee, Ɗaa sisəy a toje gə ngan-mje gə jingaw gə nje gə jene. Mbayɓe gə njesingamongə pa be.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Ephésiendjé 1:11

Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Philippiendjé 2:13

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Colossiendjé 1:19

Mba Luba njigi kar n-un darɔ-ɛ ye ja mɔgɔgɔ,

2 Thessaloniciendjé 1:11

Gəl-e gə nee ɓa, ja dəji ne Luba taar-taar gə mba sisəy, mba kar Luba turu-si kar asə njaje gə go ɓar lə-a, ngaɓa gə go singamongə lə-a ɗaa, n-ar-si ꞌɗaje ne ne gə may tɔ̰y gə ꞌgɔlje mə-si gə mba ɗa nəm gə kula gə ɗəw takagə gə tɔ.

Ebərəje 2:4

Luba ore kudu tar naji lə-je gə netɔjije, gə nemisije ngaɓa neje dang-dang gə kəm dəw o ndɔ kara ang, gə gusu-eje gə n-ar-je ɗəw gə lə Njil Njerɔsangə to gə m-e njigi.

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.